Reseidiń ánshisi Alsý «Golos.Deti» shoýynda qazaq ánshisi Erjan Maqsymnan urlanǵan daýys úshin keshirim surady, dep habarlaidy "Ult aqparat" kaz.nur.kz basylymyna silteme jasap.
"Men kópshilikten keshirim suraǵym keledi. Sol kezdegi jaǵdaidy esime alsam, ózimdi qoiarǵa jer tappaimyn. Men durys istemedim. Sondyqtan men barsha el-jurttyń aldynda keshirim suraimyn", – dedi ol.
Alsýdyń aitýynsha, sondai kezde barlyq ata-ana óz balasynyń bolashaǵyn oilap, perzentine daýys jinap berý kerek. Endi bolar is boldy.
Qazir áleýmettik jelide jurtshylyq ánshi keshirýden góri, onyń «barlyq ata-ana óz balasynyń bolashaǵyn oilap, perzentine daýysty urlap beretin edi» degen maǵynada aitqan sózin synap jatyr.
Eske sala ketsek, osydan 5 jyl buryn, iaǵni 2019 jyly «Golos.Deti» shoýynyń 6-maýsymynyń finalynda kópshilikten urlanǵan daýystyń nátijesinde Alsýdyń qyzy Mikella Abramova qazaq ánshisi Erjan Maqsymnan basym túsip, jeńimpaz atanǵan bolatyn.
Osyǵan bailanysty reseilikterdiń ózi Erjan Maqsymnyń daýysy urlanǵanda finaldyń qorytyndysyna narazylyq bildirip, Alsýdyń is-áreketin synaǵan edi.
