29 maýsymda Qyrǵyzstannyń burynǵy prezidenti Almazbek Atambaev densaýlyǵynyń nasharlaǵanyn aityp shaǵymdannan keiin odan COVID-19 virýsyna PTR-synama alyndy, – dep habarlaidy Kabar agenttigi.
Memlekettik ulttyq qaýipsizdik komitetiniń málimetinshe, Atambaevtyń testi teris nátije kórsetken. Sol kúni dárigerler onlain konsiliým ótkizdi, sodan keiin oǵan «ekijaqty pnevmoniia» diagnozy qoiyldy. Osyǵan bailanysty dárigerler konsiliýmy A.Atambaevty statsionarlyq em qabyldaý úshin aýrýhanaǵa kóshirý týraly sheshimi qabyldady.
Aita keteiik, bailanysty azaitý jáne koronavirýs taralmas úshin komitettiń tergeý izoliatorynda fizikalyq bailanysty qospaǵanda, kezdesýler men qabyldaýdy áinek qorshaý arqyly ótkizý usynyldy.
Vedomstvo habarlaǵandai, ótken aptada Atambaev advokattarmen jáne týystarymen birneshe ret kezdesip, qujattar men zattardy qolymen tapsyrǵan.
Eske sala keteiik, jýyrda Qyrǵyzstannyń eks-prezidenti Almazbek Atambaev 11 jylǵa sottalǵan bolatyn.
