Profilaktikalyq meditsina akademiiasynyń prezidenti, Amerika densaýlyq saqtaý qaýymdastyǵynyń múshesi, professor, immýnolog Almaz Sharman halyqty vaktsina aýlǵa yntalandyrý sharalary týraly pikir bildirdi, dep habarlaidy QazAqparat.
«Men bul máselege jeke adamnyń quqyǵy turǵysynan emes, qoǵamdyq densaýlyq saqtaý túrǵysynan qaraý kerek dep oiaimyn. Bul iste qoǵamnyń quqyǵy iske qosylyp otyr. Mindetti vaktsinatsiia dep atasaq, mundai tásil álemniń ózge elderinde de bar. Mysaly, AQSh-tyń Michigan shtatynda aýrýhananyń búkil meditsinalyq personaly vaktsina alýǵa mindettelgeni týraly habar tarady. Kaliforniia shtatynda da osyndai jaǵdai bolyp jatyr. Keibir elder lotoreia oinatyp jatyr. Meniń oiymsha, onda turǵan eshqandai tańǵalatyn dúnie joq. Tipti durys dep esepteimin. Ótkeni vaktsina alýdyń ne úshin qajet ekenin naqty túsinbeitinder kóp», - deidi professor.
Immýnologtyń aitýynsha, koronvirýsty aitarlyqtai jeńil ótkerip jatqandar bar.
«Bul virýstyń eń qaýiptiligi osy jerinde. Virýs juqtyrǵandardyń jartysyna jýyǵy ony eshbir simptomsyz ótkeredi. Sóitip júrip ondai adamdar mańaiyndaǵynyń bárine aýrý juqtyrady. Al olardyń ishinde immýniteti álsizder álgi simptomsyz aýyrǵan adamnyń sebepker bolýymen kóz jumýy múmkin.
Sondyqtan vaktsinalaý máselesinde jeke adamnyń quqyǵynan qoǵamnyń múddesi joǵary tur. Mindetti vaktsinatsiia – qoǵamnyń quqyǵyn qorǵaý dep bilemin»¸-degen sarapshy vaktsinalaýdyń mańyzy týraly mysal keltirdi.
«Dámhanaǵa vaktsina almaǵan 4 adam keldi deiik. Daiashy virýsty simptomsyz ótkerip júrgen bolsa, tórteýine de aýrý juqtyrýy múmkin. Onyń bireýi tipti reanmitsiiaǵa túsip, ómirin qaýip tqnýi yqtimal. Mundai jaǵdaida kimniń quqyǵyn birinshi kezekte qorǵaýymyz kerek? Vaktsina alýdan bas tartqan daiashynyń quqyǵyn qorǵaý mańyzdy ma, álde dámhanaǵa tamaqtaný úshin keletin turǵyndardyń qaýipsizdik quqyǵy mańyzdy ma? Bul mysal mindetti vaktsinatsiia tamaqtaný, qyzmet kórsetý salasyna ǵana qatysty bolý kerek degen sóz emes. Óitkeni qazir qolymyzdaǵy jalǵyz qarý – vaktsina», - dedi Amerika densaýlyq saqtaý qaýymdastyǵynyń múshesi.
