پروفيلاكتيكالىق مەديتسينا اكادەميياسىنىڭ پرەزيدەنتٸ, امەريكا دەنساۋلىق ساقتاۋ قاۋىمداستىعىنىڭ مٷشەسٸ, پروفەسسور, يممۋنولوگ الماز شارمان حالىقتى ۆاكتسينا اۋلعا ىنتالاندىرۋ شارالارى تۋرالى پٸكٸر بٸلدٸردٸ, دەپ حابارلايدى قازاقپارات.
«مەن بۇل مەسەلەگە جەكە ادامنىڭ قۇقىعى تۇرعىسىنان ەمەس, قوعامدىق دەنساۋلىق ساقتاۋ تٷرعىسىنان قاراۋ كەرەك دەپ ويايمىن. بۇل ٸستە قوعامنىڭ قۇقىعى ٸسكە قوسىلىپ وتىر. مٸندەتتٸ ۆاكتسيناتسييا دەپ اتاساق, مۇنداي تەسٸل ەلەمنٸڭ ٶزگە ەلدەرٸندە دە بار. مىسالى, اقش-تىڭ ميچيگان شتاتىندا اۋرۋحانانىڭ بٷكٸل مەديتسينالىق پەرسونالى ۆاكتسينا الۋعا مٸندەتتەلگەنٸ تۋرالى حابار تارادى. كاليفورنييا شتاتىندا دا وسىنداي جاعداي بولىپ جاتىر. كەيبٸر ەلدەر لوتورەيا ويناتىپ جاتىر. مەنٸڭ ويىمشا, وندا تۇرعان ەشقانداي تاڭعالاتىن دٷنيە جوق. تٸپتٸ دۇرىس دەپ ەسەپتەيمٸن. ٶتكەنٸ ۆاكتسينا الۋدىڭ نە ٷشٸن قاجەت ەكەنٸن ناقتى تٷسٸنبەيتٸندەر كٶپ», - دەيدٸ پروفەسسور.
يممۋنولوگتىڭ ايتۋىنشا, كورونۆيرۋستى ايتارلىقتاي جەڭٸل ٶتكەرٸپ جاتقاندار بار.
«بۇل ۆيرۋستىڭ ەڭ قاۋٸپتٸلٸگٸ وسى جەرٸندە. ۆيرۋس جۇقتىرعانداردىڭ جارتىسىنا جۋىعى ونى ەشبٸر سيمپتومسىز ٶتكەرەدٸ. سٶيتٸپ جٷرٸپ ونداي ادامدار ماڭايىنداعىنىڭ بەرٸنە اۋرۋ جۇقتىرادى. ال ولاردىڭ ٸشٸندە يممۋنيتەتٸ ەلسٸزدەر ەلگٸ سيمپتومسىز اۋىرعان ادامنىڭ سەبەپكەر بولۋىمەن كٶز جۇمۋى مٷمكٸن.
سوندىقتان ۆاكتسينالاۋ مەسەلەسٸندە جەكە ادامنىڭ قۇقىعىنان قوعامنىڭ مٷددەسٸ جوعارى تۇر. مٸندەتتٸ ۆاكتسيناتسييا – قوعامنىڭ قۇقىعىن قورعاۋ دەپ بٸلەمٸن»¸-دەگەن ساراپشى ۆاكتسينالاۋدىڭ ماڭىزى تۋرالى مىسال كەلتٸردٸ.
«دەمحاناعا ۆاكتسينا الماعان 4 ادام كەلدٸ دەيٸك. داياشى ۆيرۋستى سيمپتومسىز ٶتكەرٸپ جٷرگەن بولسا, تٶرتەۋٸنە دە اۋرۋ جۇقتىرۋى مٷمكٸن. ونىڭ بٸرەۋٸ تٸپتٸ رەانميتسيياعا تٷسٸپ, ٶمٸرٸن قاۋٸپ تقنۋٸ ىقتيمال. مۇنداي جاعدايدا كٸمنٸڭ قۇقىعىن بٸرٸنشٸ كەزەكتە قورعاۋىمىز كەرەك? ۆاكتسينا الۋدان باس تارتقان داياشىنىڭ قۇقىعىن قورعاۋ ماڭىزدى ما, ەلدە دەمحاناعا تاماقتانۋ ٷشٸن كەلەتٸن تۇرعىنداردىڭ قاۋٸپسٸزدٸك قۇقىعى ماڭىزدى ما? بۇل مىسال مٸندەتتٸ ۆاكتسيناتسييا تاماقتانۋ, قىزمەت كٶرسەتۋ سالاسىنا عانا قاتىستى بولۋ كەرەك دەگەن سٶز ەمەس. ٶيتكەنٸ قازٸر قولىمىزداعى جالعىز قارۋ – ۆاكتسينا», - دەدٸ امەريكا دەنساۋلىق ساقتاۋ قاۋىمداستىعىنىڭ مٷشەسٸ.
