Almatynyń shetki aýdandaryn damytýǵa 800 mlrd teńge jumsalmaq. Bul týraly búgin ótken brifing barysynda qalalyq Strategiia jáne biýdjet basqarmasynyń basshysy Nurtas Qaiyrov málim etti, dep habarlaidy QazAqparat.
Onyń aitýynsha, «Almaty-2050» strategiiasy qalanyń barlyq óńirleriniń damýyn, turǵyndardyń ómir sapasynyń artýyn kózdeidi.
«Strategiia -qala damýynyń baǵyttaryn aiqyndaityn qujat.
Bul joǵary deńgeidegi saýaldarǵa jaýap beredi. Qalaǵa qansha avtobýs satylyp alynatyny, qansha shaqyrym jol salynatyny týraly saýaldar qoiylady. Bul tómengi deńgeidegi qujattarmen retteledi. Strategiia - Almatynyń shet aýdandaryn damytýdyń keshendi jospary. Munda ár bes jylǵa jospar qurylady. Máselen, 2024 jylǵa deiingi damý jospary qurylyp jatyr. Oǵan sáikes qalanyń shetki aýdandaryn damytýǵa 800 mlrd teńge qarastyrylǵan. Qarajat óte aýqymdy», - dedi Nurtas Qaiyrov.
Onyń aitýynsha, bul aqsha Alataý jáne Naýryzbai aýdanynda infraqurylym jelilerin júrgizýge jumsalady.
Aita ketý kerek, Almaty ákimi Baqytjan Saǵyntaev keshe qalanyń 2050 jylǵa deiingi Damý strategiiasyn jariialaǵan bolatyn.
Qujatqa sáikes, qala 30 jylda 7 baǵyt boiynsha damityn bolady.
