Almaty politsiia departamentiniń qyzmetkerleri «Sergektiń» qandai ereje buzý faktilerin tirkeitinin túsindirdi, ep habarlaidy "Ult aqparat".
Polisia.kz saitynda jariialanǵan málimetke súiensek, intellektýaldy beinebaqylaý júiesi qiylystyń týra aldynda jolaqty qiyp ótseńiz, stor-syzyqtan asyp toqtasańyz, avtobýsqa arnalǵan jolaqpen júrseńiz áreetińizdi túsirip alyp, ereje buzý faktisi retinde tirkeidi.
«Sondai-aq, «Sergek» kameralary jyldamdyq rejiminiń asyp ketýin, kólik quraldarynyń baǵdarshamnyń qyzyl signalyna ótýin jáne durys emes jerde toqtaýyn anyqtaidy», - dep jazady Polisia.kz.
Vedomstvo túsindirmesinde kólik ielerine joldanatyn elektrondy aiyppul túbirtegine faktini rásimdegen qyzmetker ETsU arqyly qol qoiatyny aitylǵan.
«Budan ári ereje buzý týraly nusqama kólik ielerine eki tásilmen – SMS jáne poshta arqyly keledi. Quqyq buzýshy aiyppul týraly habarlama alǵannan keiin 7 kún ishinde somanyń jartysyn tólei alady. Erikti túrde tólemegen jaǵdaida, habarlama alǵan sátten bastap 30 kún ótken soń, material QR Ákimshilik quqyq buzý týraly kodekstiń 894-baby boiynsha májbúrlep óndirip alýǵa jiberiledi» - deidi ákimshilik politsiia basqarmasynyń bastyǵy Nurlan Amanbek.
Onyń aitýynsha, ereje buzý faktisiniń hattamasymen Egov.Kz jáne Qamqor.gov.kz. resýrstary arqyly tanyspyz, aiyppuldardy ózińizge yńǵaily tásilmen tóleýge bolady. Mysaly, elektrondyq úkimet portalyndaǵy onlain, bankterdiń esep aiyrysý-kassalyq bólimshelerinde, mobildi qosymshalar arqyly (Kaspi.kz, HalykBank, Kassa24, Handypay, Homebank, Qazposhta, Kolesa) óteýge bolady.
«Aiyppuldan alynǵan qarajattyń bári qala biýdjetine túsedi», - dep jazady aqparat resýrsy.
