Búgin Almatyda koronavirýsqa qarsy otandyq «QazVac» vaktsinasyn salý bastaldy, dep habarlaidy "Ult aqparat".
Mamandardyń aitýynsha, búgin túske deiin «MegaPark oiyn-saýyq ortalyǵynda 100 adamǵa otandyq vaktsina egildi.
Almatylyq Ǵaliia Satybaldieva otbasynda birinshi bolyp vaktsina alǵanyn aitady.
«Men vaktsinany jańa aldym. Ekpeni óz erkimmen saldyrdym. Oǵan eshkim májbúrlegen joq. Qazaqstannyń vaktsinasyn saldyrdym. Osy mańda tipografiiada jumys isteimin. Buǵan deiin koronavirýspen aýyrǵanym joq, sodan qorǵaný úshin ekpe alýdy jón kórdim. Endi menen keiin otbasy músheleri de saldyrady dep oilaimyn», - deidi ol.
Qalalyq №5 emhananyń balalar bóliminiń meńgerýshisi Gúlzat Baizaqova «QazVac» vaktsinasynyń erekshelikteri jaily aityp berdi
«Búgin bizge 100 doza vaktsina jetkizildi. Bunyń reseilik vaktsinadan aitarlyqtai ereksheligi joq. Otandyq vaktsinany 2-8 gradýsta saqtaýǵa bolady. «Spýtniktiń» bir ampýlasynda 5 doza bolatyn, munda bir doza. Alǵash ret otandyq vaktsinany qańtarda 2 myńdai dáriger alǵan, olardyń jaǵdaiy jaqsy jáne ekpe óz tiimdiligin kórsetti. Almaly aýdanynda osyndai ekpe salatyn 12 oryn qurylǵan, búginnen bastap olarda «QazVac» salynyp jatyr», - deidi dáriger.
Erikti azamattardan basqa, búginde ekpe alǵandardyń arasynda stýdentter, saýda ortalyǵynyń qyzmetkerleri, «Jas Otan» jastar qanaty men «Nur Otan» partiiasynyń ókilderi boldy.
