Almatyda Altynsarin men Ulyqbek kósheleriniń qiylysynda ornalasqan «Saryarqa» bazarynda atys boldy, dep habarlaidy "Ult aqparat".
Qala turǵyndary tapa tal túste oq atylǵany týraly áleýmettik jelide jariialady.
«27 mamyrda tapa tal túste «Saryarqa» bazarynda atys boldy. Ol kólik turaǵy úshin bolǵan janjaldan týyndaǵan siiaqty», - delingen habarlamada.
Qalalyq Politsiia departamenti baspasóz qyzmetiniń habarlaýynsha, oqiǵa 27 mamyrda túski saǵat 13:00 shamasynda bolǵan.
«102 nómirine habarlama túsken soń jedel tergeý toby oqiǵa ornyna attandy. Bazar kúzetshisi, turaq tólemin qabyldaityn qyzmetker men saýda oryndaryn jalǵa alǵan saýdagerler turaq aqysyna qatysty sózge kelip qalǵan. Daýdyń arty janjalǵa ulasyp, oq atylǵan», - dedi PD baspasóz qyzmeti.
Politsiia kúdiktilerdi birden ustaǵan.
«Bul derekti Áýezov aýdandyq politsiia bólimi QR QK 293-babynyń 3-tarmaǵy boiynsha sotqa deiingi tergeý reestrine tirkedi. Gazben atatyn tapansha tárkilenip alynyp, ballistikalyq saraptamaǵa jiberildi. Qylmystyq is aiasynda sot-meditsinalyq saraptama taǵaiyndaldy. Soǵan sáikes jaraqat alǵan adamdardyń densaýlyǵyna keltirilgen ziian dárejesi anyqtalatyn bolady», -dedi Politsiia departamentiniń baspasóz qyzmeti.
