الماتىدا التىنسارين مەن ۇلىقبەك كٶشەلەرٸنٸڭ قيىلىسىندا ورنالاسقان «سارىارقا» بازارىندا اتىس بولدى, دەپ حابارلايدى "ۇلت اقپارات".
قالا تۇرعىندارى تاپا تال تٷستە وق اتىلعانى تۋرالى ەلەۋمەتتٸك جەلٸدە جارييالادى.
«27 مامىردا تاپا تال تٷستە «سارىارقا» بازارىندا اتىس بولدى. ول كٶلٸك تۇراعى ٷشٸن بولعان جانجالدان تۋىنداعان سيياقتى», - دەلٸنگەن حابارلامادا.
قالالىق پوليتسييا دەپارتامەنتٸ باسپاسٶز قىزمەتٸنٸڭ حابارلاۋىنشا, وقيعا 27 مامىردا تٷسكٸ ساعات 13:00 شاماسىندا بولعان.
«102 نٶمٸرٸنە حابارلاما تٷسكەن سوڭ جەدەل تەرگەۋ توبى وقيعا ورنىنا اتتاندى. بازار كٷزەتشٸسٸ, تۇراق تٶلەمٸن قابىلدايتىن قىزمەتكەر مەن ساۋدا ورىندارىن جالعا العان ساۋداگەرلەر تۇراق اقىسىنا قاتىستى سٶزگە كەلٸپ قالعان. داۋدىڭ ارتى جانجالعا ۇلاسىپ, وق اتىلعان», - دەدٸ پد باسپاسٶز قىزمەتٸ.
پوليتسييا كٷدٸكتٸلەردٸ بٸردەن ۇستاعان.
«بۇل دەرەكتٸ ەۋەزوۆ اۋداندىق پوليتسييا بٶلٸمٸ قر قك 293-بابىنىڭ 3-تارماعى بويىنشا سوتقا دەيٸنگٸ تەرگەۋ رەەسترٸنە تٸركەدٸ. گازبەن اتاتىن تاپانشا تەركٸلەنٸپ الىنىپ, بالليستيكالىق ساراپتاماعا جٸبەرٸلدٸ. قىلمىستىق ٸس اياسىندا سوت-مەديتسينالىق ساراپتاما تاعايىندالدى. سوعان سەيكەس جاراقات العان ادامداردىڭ دەنساۋلىعىنا كەلتٸرٸلگەن زييان دەرەجەسٸ انىقتالاتىن بولادى», -دەدٸ پوليتسييا دەپارتامەنتٸنٸڭ باسپاسٶز قىزمەتٸ.
