Almatynyń ortalyq kósheleri jeksenbi saiyn jaiaý júrginshi jolyna ainalady. Qolǵa alynǵan joba týraly ákimdik túsinik berdi, dep habarlaidy "Ult aqparat".
«Bizdiń qazirgi ustanymymyz osyndai. Ol pilottyq rejimde bolady, aldymen Almaly aýdanyndaǵy kóshelerdi jabamyz. Osydan keiin kórsetkishterdi salystyramyz. Iaǵni, aýanyń sapasyn baqylaimyz, shýdy ólsheimiz, jaiaý júrginshilerdiń sanyn qarastyramyz», – dedi onlain brifing barysynda Almaty qalalyq jasyl ekonomika basqarmasynyń basshysy Natalia Livinskaia.
Onyń aitýynsha, osydan keiin ǵana bul jobanyń turaqty nemese ýaqytsha bolatynyna qatysty sheshim shyǵady.
«Múmkin qalanyń belgili bir aýdandarynda ǵana qoldanatyn bolarmyz» dep atap ótti basqarma basshysy.
