الماتىنىڭ ورتالىق كٶشەلەرٸ جەكسەنبٸ سايىن جاياۋ جٷرگٸنشٸ جولىنا اينالادى. قولعا الىنعان جوبا تۋرالى ەكٸمدٸك تٷسٸنٸك بەردٸ, دەپ حابارلايدى "ۇلت اقپارات".
«بٸزدٸڭ قازٸرگٸ ۇستانىمىمىز وسىنداي. ول پيلوتتىق رەجيمدە بولادى, الدىمەن المالى اۋدانىنداعى كٶشەلەردٸ جابامىز. وسىدان كەيٸن كٶرسەتكٸشتەردٸ سالىستىرامىز. ياعني, اۋانىڭ ساپاسىن باقىلايمىز, شۋدى ٶلشەيمٸز, جاياۋ جٷرگٸنشٸلەردٸڭ سانىن قاراستىرامىز», – دەدٸ ونلاين بريفينگ بارىسىندا الماتى قالالىق جاسىل ەكونوميكا باسقارماسىنىڭ باسشىسى ناتاليا ليۆينسكايا.
ونىڭ ايتۋىنشا, وسىدان كەيٸن عانا بۇل جوبانىڭ تۇراقتى نەمەسە ۋاقىتشا بولاتىنىنا قاتىستى شەشٸم شىعادى.
«مٷمكٸن قالانىڭ بەلگٸلٸ بٸر اۋداندارىندا عانا قولداناتىن بولارمىز» دەپ اتاپ ٶتتٸ باسقارما باسشىسى.
