Almaty Ortalyq qalalyq klinikalyq aýrýhananyń direktory aýysty. Qazir direktordyń mindetin ýaqytsha Gúlnar Qulqaeva atqaryp jatyr, dep habarlaidy "Ult aqparat" alalyq Qoǵamdyq densaýlyqty saqtaý basqarmasynyń baspasóz qyzmetine silteme jasap.
«Tótenshe jaǵdaiǵa bailanysty 24 sáýirden bastap «Ortalyq qalalyq klinikalyq aýrýhana» sharýashylyq basqarýdaǵy memlekettik kommýnaldyq kásiporyn direktory mindetin ýaqytsha Gúlnar Qulqaeva atqaryp jatyr. Gúlnar Qulqaeva Ulttyq ǵylymi onkologiialyq ortalyq jetekshisiniń orynbasary bolǵan. QR Eńbek týraly zańnamasyna sáikes úsh jaqty jazbasha kelisimshart arqyly Gúlnar Qulqaeva direktordyń mindetin ýaqytsha atqarýǵa issaparmen aýysty», - dedi basqarmadan.
Aita ketý kerek, 15 kún buryn aýrýhanany basqarýǵa Marat Abdýllaev taǵaiyndalǵan bolatyn. Ol ýaqytsha jumys isteý qabiletin joǵaltqandyqtan jumystan shettetilgen.
Oǵan deiin aýrýhana kásipornyn basqaryp kelgen Almas Djývashev qyzmetkerlerdiń jappai koronavirýs juqtyrýyna bailanysty qyzmetinen ketken bolatyn.
