Foto: Videodan skrin
«Ýchaske» jedel-aldyn alý is-sharasy aiasynda Almaly aýdanynda politsiia qyzmetkerleri «Manhetten», «Aqbulaq» jáne «Káýsar» turǵyn úi keshenderinde jynystyq qyzmet kórsetetin jezóksheler úileri men zańsyz jumys isteitin salondardy anyqtaýǵa baǵyttalǵan aldyn alý sharalaryn júrgizýde. Bul týraly Almatynyń prolitsiia departamenti habarlady, dep habarlaidy Ult.kz.
Reidter barysynda 71 jezóksheler úii áshkere boldy. Zańsyz áreketke úi bergen páter ieleri jaýapqa tartyldy.
Bul páterlerde tirkeýsiz jáne jeke basyn kýálandyratyn qujatsyz turǵan adamdarǵa da ákimshilik shara qoldanyldy.
«Qoǵamdyq tártipti saqtaý - bizdiń ortaq mindetimiz. Politsiia qyzmetkerleri zańsyz áreketterdiń aldyn alý úshin kún saiyn profilaktikalyq is-sharalar júrgizedi, al turǵyndar óz aýdandaryndaǵy qaýipsizdik pen tártipke jaýapty bolýy kerek. Azamattardy beijai qalmai, zań buzýshylyqtar týraly habarlaýǵa shaqyramyn», - dedi, Almaly aýdandyq politsiia Basqarmasynyń bastyǵy Maqsat Pshan.
Aldyn alý jumystary turaqty túrde jalǵasatyn bolady.
