Almaty qalalyq josparlaý jáne ýrbanistika basqarmasynyń basshysy Almashan Ahmedjanov brifing barysynda megapolis ortalyǵynda kópqabatty úiler salynyp jatyr ma degen suraqqa jaýap berdi, dep habarlaidy QazAqparat.
«Qurylysy júrip jatqan nysandarǵa keler bolsaq, olardyń qurylysy 2019 jyly bastaldy, biz olardy aiaqtalý kezeńinde toqtata almaimyz. Sonymen qatar olar turǵyn úi baǵdarlamasyna qatysyp jatyr. Al kezinde ruqsat berilgen, biraq qurylysy bastalmaǵan jańa ýchaskeler úshin bizdiń basqarma jańa erejelerge sáikestendirmeiinshe onyń barlyq áreketterin toqtata turý týraly habarlama jiberdi», — dedi Almashan Ahmedjanov.
Onyń aitýynsha, qalanyń ortalyq bóliginde tarihi ortalyq shekarasynda kópqabatty úilerdiń qurylysy toqtatyldy.
«Jer telimderin qaitarý protsesi júrip jatyr. Bul ońai jumys emes. Jerdi alyp qoiý tek sot arqyly sheshiledi, sondyqtan bul másele qazir qarastyrlyp jatyr», - dep jaýap berdi ol.
