Almatynyń meditsina uiymdarynda jyl basynan beri 420 myńnan astam naýqas emdeldi, dep habarlaidy "Ult aqparat".
Respýblikalyq elektrondyq densaýlyq saqtaý ortalyǵynyń derekterine sáikes, Almaty boiynsha tegin memlekettik kepildendirilgen kómek kólemi paketi aiasynda 121 meditsinalyq uiym, MÁMS paketi boiynsha 142 meditsinalyq mekeme qyzmet kórsetip jatyr.
2020 jyldyń 11 aiynda Almaty qalasy Qoǵamdyq densaýlyq basqarmasynyń meditsinalyq uiymdarynda 423 030 naýqas emdelgen. Onyń ishinde tegin memlekettik kepildendirilgen kómek kólemi aiasynda - 227 381 adam, MÁMS boiynsha 182 617 naýqas emdelgen.
Táýliktik statsionarlar deńgeiinde 307 381 naýqas emdelip shyqty. Iaǵni 72,6%-y jazylyp shyqqan.
Onyń ishinde tegin memlekettik kepildendirilgen kómek kólemi aiasynda 159 024, MÁMS boiynsha 135 585 naýqas jatyp emdeldi.
Eresekter úshin kardiologiialyq, endokrinologiialyq, nevrologiialyq, revmatologiialyq, oftalmologiialyq, kardiohirýrgiialyq meditsinalyq qyzmetterge suranys artqan.
Alǵashqy meditsinalyq-sanitariialyq kómek uiymdary janyndaǵy kúndizgi statsionarlarda 67 776 patsient nemese 2020 jylǵy 11 aida emdelgenderdiń jalpy sanynyń 16% - y emdeldi. Onyń ishinde tegin memlekettik kepildendirilgen kómek kólemi sheńberinde - 36 660 adam, MÁMS sheńberinde 31 082 patsient emdeldi.
Alǵashqy meditsinalyq sanitariialyq kómek uiymdarynyń janyndaǵy kúndizgi statsionar deńgeiinde 15 475 patsient, onyń ishinde tegin memlekettik kepildendirilgen kómek kólemi sheńberinde - 15 343, MÁMS sheńberinde 132 patsient emdeldi. Úidegi statsionarlar negizinen balalar men qart adamdar úshin, sondai-aq koronavirýstyq infektsiiasy bar naýqastar men olarmen bailanysta bolǵan adamdarǵa úi karantini úshin uiymdastyrylady.
Almatyda sozylmaly búirek jetkiliksizdigi bar, gemodializ terapiiasyna muqtaj naýqastarǵa qyzmet kórsetiletinin atap ótken jón. 15 gemodializ ortalyǵynda 2 216 patsient emdeldi. Gemodializ qyzmeti tek tegin memlekettik kepildendirilgen kómek kólemi sheńberinde júzege asyrylady.
Sondai-aq, qala klinikalarynyń bazasynda joǵary tehnologiialyq meditsinalyq qyzmetter boiynsha kómek kórsetiledi. 2020 jyldyń 11 aiynda 35 meditsinalyq uiymda 2 825 patsient emdeldi, onyń ishinde tegin memlekettik kepildendirilgen kómek kólemi sheńberinde – 152, MÁMS sheńberinde 2 656 patsient emdelgen.
