Almaty ákimi Baqytjan Saǵyntaev pen Tsifrlyq damý, innovatsiialar jáne aeroǵarysh ónerkásibi ministri Baǵdat Mýsinniń qatysýymen ótken IT keńeste megapolistiń tynys-tirshiligin qamtamasyz etetin tsifrlandyrý júiesin damytýdyń basty baǵyttary qaraldy, dep habarlaidy "Ult aqparat".
IT keńeske qatysýshylar 2020 jyly atqarylǵan jumysty qorytyndylady, IT-kásipkerlikti qoldaý, IT-qyzmetterin tsifrlandyrý men eksporttaýdy damytý úshin jaǵdai jasaý jáne memlekettik organdarmen ózara is-áreket etý jónindegi bastamalardy talqylady.
«Jol kartasy» aiasynda 2020 jyly TÚKSh, kólik, halyqqa qyzmet kórsetý, bilim berý jáne densaýlyq saqtaý salalarynda jobalar iske asyryldy.
Sonymen qatar, ótken jyly qala ekonomikasynyń qajettilikteri úshin tsifrlyq ónimderdi jetkizýshiler sany 65 baǵdarlamashyǵa deiin ósti, onyń 50% - startap jobalar.
Sonymen qatar, 2021 jylǵa arnalǵan «Jol kartasy» jańartyldy.
Almaty ákimi B. Saǵyntaev qalada aqparattyq tehnologiialardy tabysty damytý úshin barlyq komponentter - jergilikti bilik tarapynan qoldaý, damyǵan ýniversitettik orta jáne oqyǵan jergilikti qoǵamdastyq bar ekenin atap ótti.
Keńes músheleri megapolis Ortalyq Aziia aimaǵynda IT-tehnologiialardy damytýdaǵy eń ozyq ekenin basa aitty.
Aqparattyq tehnologiialar salasyn qalanyń ekonomikalyq sektorynyń kóshbasshysyna ainaldyrý úshin Almatynyń adami áleýeti joǵary.
Almaty qalasynyń ákimi Baqytjan Saǵyntaev pen QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Almatyda «Zerde» holdingimen birlesip ázirlengen IT arhitektýrany qalyptastyrýdyń maqsatty josparyna qol qoidy.
Onda megapolisti tsifrlandyrý jaǵdaiy taldanady, sondai-aq turǵyndar, biznes pen memlekettiń ózara is-qimylynyń dástúrli formalaryn jetildirýge baǵyttalǵan basym jobalar anyqtalady.
IT arhitektýra sheńberinde ártúrli baǵyttardy ári qarai damytý jáne Smart City tehnologiialyq platformasynyń tetikterin júzege asyrý sóz boldy.
