Almaty mańaiynda shashylyp jatqan shpritster men dári ampýlalary kópshilikti shoshytty, dep habarlaidy "Ult aqparat".
«Ekopatrýl» qozǵalysynyń kezekshi pýltine jabaiy poligon týraly jergilikti turǵyndar habarlasqan.
Alataý aýdanyndaǵy JEO-2 jaqyn ornalasqan poligondy tekserýge aýdan ákimi, Ekologiia departamentiniń qyzmetkerleri, qoǵam belsendileri, Ekologiialyq politsiia mamandary kelgen.
Tekserý barysynda bul jerde shala janǵan shpritster men ampýlalar saqtalyp turǵany anyqtaldy.
«Bul quqyqbuzýshylyq boiynsha QR QK 338-baby men 328-babyna sáikes topyraq pen sýdy lastaǵany úshin qylmystyq jaýapkershilik qarastyrylǵan. Bul zattardyń barlyǵy zararsyzdandyrýdan soń jerasty sýlaryna qosylatynyn anyq», - dedi «Ekopatrýl» qozǵalysynyń jetekshisi Timýr Eleýsizov.
Mamannyń aitýynsha, bular jai qaldyqtardan anaǵurlym qaýipti.
«Bulardy joiý úshin arnaiy pesh bolýy tiis. Peshtiń qyzýy 1000 gradýsqa deiin jetýi kerek. Mundai poligondar tolyǵymen oqshaý bolýy kerek. Biz kórip turǵanymyzdai, bul jerde zattar tolyq órtelmegen. Jartylai janǵan. Qan quiylǵan ampýlalar da shashylyp jatyr. Eger bulardy jabaiy ańdar, itter iiskese, adam balasyna da qaýip tóndiredi. Sanitarlyq normaǵa sáikes mundai oryndardan radiýsy 300 metr qashyqta eshbir kásiporyn, turǵyn úi bolmaýy kerek. Al myna jerde 10 metrden soń túrli óndirister ornalasqan. Adamdar jumys isteidi. Sonymen qatar, beton eden men beton ǵimarat bolýy kerek. Bul jerde eshbir normanyń saqtalmaǵanyn kórip turmyz», - dedi Timýr Eleýsizov.
Ekolog mamandar mundai qaldyqtardyń ainalada qansha jatqanyn anyqtaý múmkin emestigin aitady.
«Qazir bul qaldyqtardy joiý talaptarynyń buzylǵanyn kórip turmyz. Tek 70 paiyzy ǵana órtelse, qalǵany bir jerge jinalǵan. Al bul qaldyqtar 100 paiyz joiylýy tiis. Kásiporyn quryltaishysy men direktory aýdan ákimdigine shaqyryldy. Olardyń ruqsat berý qujaty tekseriletin bolady. Eger arnaiy ruqsat qujaty joq bolsa, zańǵa sáikes jazaǵa tartatyn bolamyz», - dedi Alataý aýdanynyń ákimi Azamat Qaldybekov.
Reidke shyqqan mamandar sanitarlyq talaptardy óreskel buzǵan kompaniiaǵa qalaisha quzyrly organdar litsenziia bergenin anyqtaýdy qolǵa aldy.
