الماتى ماڭايىندا شاشىلىپ جاتقان شپريتستەر مەن دەرٸ امپۋلالارى كٶپشٸلٸكتٸ شوشىتتى, دەپ حابارلايدى "ۇلت اقپارات".
«ەكوپاترۋل» قوزعالىسىنىڭ كەزەكشٸ پۋلتٸنە جابايى پوليگون تۋرالى جەرگٸلٸكتٸ تۇرعىندار حابارلاسقان.
الاتاۋ اۋدانىنداعى جەو-2 جاقىن ورنالاسقان پوليگوندى تەكسەرۋگە اۋدان ەكٸمٸ, ەكولوگييا دەپارتامەنتٸنٸڭ قىزمەتكەرلەرٸ, قوعام بەلسەندٸلەرٸ, ەكولوگييالىق پوليتسييا ماماندارى كەلگەن.
تەكسەرۋ بارىسىندا بۇل جەردە شالا جانعان شپريتستەر مەن امپۋلالار ساقتالىپ تۇرعانى انىقتالدى.
«بۇل قۇقىقبۇزۋشىلىق بويىنشا قر قك 338-بابى مەن 328-بابىنا سەيكەس توپىراق پەن سۋدى لاستاعانى ٷشٸن قىلمىستىق جاۋاپكەرشٸلٸك قاراستىرىلعان. بۇل زاتتاردىڭ بارلىعى زارارسىزداندىرۋدان سوڭ جەراستى سۋلارىنا قوسىلاتىنىن انىق», - دەدٸ «ەكوپاترۋل» قوزعالىسىنىڭ جەتەكشٸسٸ تيمۋر ەلەۋسٸزوۆ.
ماماننىڭ ايتۋىنشا, بۇلار جاي قالدىقتاردان اناعۇرلىم قاۋٸپتٸ.
«بۇلاردى جويۋ ٷشٸن ارنايى پەش بولۋى تيٸس. پەشتٸڭ قىزۋى 1000 گرادۋسقا دەيٸن جەتۋٸ كەرەك. مۇنداي پوليگوندار تولىعىمەن وقشاۋ بولۋى كەرەك. بٸز كٶرٸپ تۇرعانىمىزداي, بۇل جەردە زاتتار تولىق ٶرتەلمەگەن. جارتىلاي جانعان. قان قۇيىلعان امپۋلالار دا شاشىلىپ جاتىر. ەگەر بۇلاردى جابايى اڭدار, يتتەر يٸسكەسە, ادام بالاسىنا دا قاۋٸپ تٶندٸرەدٸ. سانيتارلىق نورماعا سەيكەس مۇنداي ورىنداردان راديۋسى 300 مەتر قاشىقتا ەشبٸر كەسٸپورىن, تۇرعىن ٷي بولماۋى كەرەك. ال مىنا جەردە 10 مەتردەن سوڭ تٷرلٸ ٶندٸرٸستەر ورنالاسقان. ادامدار جۇمىس ٸستەيدٸ. سونىمەن قاتار, بەتون ەدەن مەن بەتون عيمارات بولۋى كەرەك. بۇل جەردە ەشبٸر نورمانىڭ ساقتالماعانىن كٶرٸپ تۇرمىز», - دەدٸ تيمۋر ەلەۋسٸزوۆ.
ەكولوگ ماماندار مۇنداي قالدىقتاردىڭ اينالادا قانشا جاتقانىن انىقتاۋ مٷمكٸن ەمەستٸگٸن ايتادى.
«قازٸر بۇل قالدىقتاردى جويۋ تالاپتارىنىڭ بۇزىلعانىن كٶرٸپ تۇرمىز. تەك 70 پايىزى عانا ٶرتەلسە, قالعانى بٸر جەرگە جينالعان. ال بۇل قالدىقتار 100 پايىز جويىلۋى تيٸس. كەسٸپورىن قۇرىلتايشىسى مەن ديرەكتورى اۋدان ەكٸمدٸگٸنە شاقىرىلدى. ولاردىڭ رۇقسات بەرۋ قۇجاتى تەكسەرٸلەتٸن بولادى. ەگەر ارنايى رۇقسات قۇجاتى جوق بولسا, زاڭعا سەيكەس جازاعا تارتاتىن بولامىز», - دەدٸ الاتاۋ اۋدانىنىڭ ەكٸمٸ ازامات قالدىبەكوۆ.
رەيدكە شىققان ماماندار سانيتارلىق تالاپتاردى ٶرەسكەل بۇزعان كومپانيياعا قالايشا قۇزىرلى ورگاندار ليتسەنزييا بەرگەنٸن انىقتاۋدى قولعا الدى.
