Almaty qalasynyń Bas botanikalyq baǵy QR BǴM qaramaǵynan alynyp, ózge ministrlikke beriledi, dep habarlaidy "Ult aqparat".
Bul týraly QR Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetiniń baspasóz hatshysy Sáken Dildahmet aitty.
«Almaty qalasynyń Bas botanikalyq baǵy (Botanika jáne fitointrodýktsiia institýty) Qazaqstan Respýblikasynyń airyqsha qorǵaýyndaǵy tabiǵi aýmaq bolyp sanalady. QR Bilim jáne ǵylym ministrligi Ǵylym komitetiniń vedomstvalyq baǵynyshty uiymy bolyp sanalady. Botanikalyq baqty Almaty ákimdiginiń qaramaǵyna ótkizý máselesi qoiylǵan emes. Sáikesinshe, bul jer airyqsha qorǵaýyndaǵy tabiǵi aýmaq tiziminen alynbaidy», - dep túsindirdi Sáken Dildahmet Facebook jelisinde.
Onyń aitýynsha, qazirgi ýaqytta Úkimet Botanikalyq baqty QR Bilim jáne ǵylym ministrligi balansynan shyǵaryp, QR Ekologiia, geologiia jáne tabiǵi resýrstar ministrligine aýystyrý máselesin qarastyrýda.
