Almaty qalasynyń jańa ákimi Erbolat Dosaevtyń halyqpen alǵashqy kezdesýi Bostandyq aýdanynda ótip jatyr, dep habarlaidy Sputnik Qazaqstan.
Dosaevtyń aitýynsha, mamyrda qalalyq máslihatqa Bostandyq aýdany aýmaǵyna 9 qabattan biik turǵyn úi salýdy shekteitin qujat usynylady.
Qazir Bostandyq aýdanynda, onyń ishinde "Mega tsentr", "ADK" saýda ortalyqtarynyń, burynǵy jemis konservileý kombinatynyń janynda, sondai-aq Sátbaev – Baitursynov – Buqar jyraý kósheleri – Esentai ózeni bóliginde turǵyn úi qurylysy qarqyndy júrip jatyr.
"Qurylys máselelerin júieli túrde sheshý úshin biyl mamyrda Abai dańǵylynyń ońtústiginde Shyǵys ainalma jolynan Iassaýi kóshesine deiin 9 qabattan biik ǵimarat salýdy shekteitin jańa reglament qala máslihatynyń bekitýine usynylady, iaǵni bul perimetrge barlyq Bostandyq aýdany kiredi", - dedi Erbolat Dosaev.
Ákimniń aitýynsha, áleýmettik infraqurylym obektilerin mindetti túrde salý talaptaryn eskerip, qurylys salý tásilderi qaita qaraldy.
Buryn ruqsat berý kezinde qurylys salýshylardan bul qatań talap etilmegen, deidi ákim.
