Serik Qusmanov Almaly aýdanynyń ákimi qyzmetine keldi. Bul týraly VII shaqyrylǵan Almaty máslihatynyń kezekten tys II sessiiasynda belgili boldy, - dep habarlaidy «Ult aqparat».
VII shaqyrylymdaǵy qala máslihatynyń kezekten tys II sessiiasynda Almaty ákimi B. Saǵyntaev Almaly aýdanynyń ákimi qyzmetine Serik Dosymhanuly Qusaiynovtyń kandidatýrasyn usyndy.
Serik Qusaiynovtyń kandidatýrasy Prezident Ákimshiliginde aldyn ala qaralyp, kelisilgen bolatyn.
Serik Dosymhanuly Qusaiynov 1964 jyly týǵan, Almaty oblysynyń týmasy.
Qazaq aýyl sharýashylyǵy institýtyn jáne Resei Federatsiiasy Prezidentiniń janyndaǵy Resei halyq sharýashylyǵy jáne memlekettik qyzmet akademiiasyn támamdaǵan, memlekettik jáne mýnitsipaldyq basqarý magistri.
Memlekettik basqarý júiesinde edáýir jumys tájiribesi bar.
Ár jyldary Almaty qalasynyń kommýnaldyq sharýashylyq kásiporyndarynda sheber, bas injener, basqarýshy direktor bolyp jumys istegen, qalanyń energetika jáne kommýnaldyq sharýashylyq basqarmasynyń basshysy, Almaty qalasy ákimi apparatynyń basshysy, Almaly aýdanynyń ákimi bolyp jumys jasaǵan.
Almaty qalalyq máslihatynyń depýtaty, VI shaqyrylymdaǵy Qazaqstan Respýblikasy Parlamenti Májilisiniń depýtaty bolyp sailanǵan.
Almaty qalasy máslihatynyń depýtattary S. Qusaiynovtyń kandidatýrasyn biraýyzdan qoldady.
