Almatynyń Óńirlik kommýnikatsiialar qyzmetinde ótken brifingte Alataý aýdanynyń ákimi Daniiar Qyryqbaev aýdanda 2026 jylǵy qańtar–shilde aiynda ónerkásip óndirisiniń kólemi 743,8 mlrd teńgege jetip, ótken jyldyń osy ýaqytymen salystyrǵanda 28,8%-ǵa artqanyn málimdedi.
Osy kezeńde bólshek saýda taýar ainalymy 290,9 mlrd teńgege, negizgi kapitalǵa salynǵan investitsiia 279,5 mlrd teńgege jetti.
Ónerkásip óndirisiniń kólemi ótken jyly 576,6 mlrd teńge bolsa, sońǵy jeti aida 743,8 mlrd teńgeni qurady. Naqty kólem indeksi 151,9%-dy qurady. Qalanyń jalpy ónerkásip óndirisi kóleminiń 42,5%-y Alataý aýdanyna tiesili.
«Ónerkásip sektory aýdan damýynyń negizgi baǵytynyń biri bolyp qala beredi. Qazir ónerkásip óniminiń kólemi byltyrǵy osy ýaqytpen salystyrǵanda oń ózgeris kórsetip otyr», – dep atap ótti Daniiar Qyryqbaev.
Sondai-aq saýda ainalymy 11%-ǵa ósip, 290,9 mlrd teńgege jetti. Negizgi kapitalǵa salynǵan investitsiia 279,5 mlrd teńgeni qurap, bir jylda 81,9 mlrd teńgege artty. Al jyl basynan beri memlekettik biýdjetke 119,9 mlrd teńge salyq tústi. Onyń 47,5 mlrd teńgesi respýblikalyq, 72,1 mlrd teńgesi jergilikti biýdjetke baǵyttaldy.
