Almatynyń 2023 jylǵa arnalǵan biýdjeti 1 trillion 258 milliard teńge boldy, - dep habarlaidy Tengrinews.kz agenttigi.
Kezekten tys sessiiada máslihat depýtattary qala biýdjetin bekitti. Sonymen, kelesi jyly biýdet tómendegidei salalarǵa jumsalady:
- Muǵalimderdiń, meditsina qyzmetkerleriniń eńbegine aqy tóleýge, vaktsinalar satyp alýǵa, halyqty áleýmettik qoldaýǵa 776,6 milliard teńge;
- Infraqurylymdyq jobalardy qarjylandyrýǵa 230 milliard teńge;
- Biýdjettik alýlarǵa 207,2 milliard teńge;
- MJÁ sheńberindegi mindettemelerge jáne memlekettik qaryzdy óteýge 21,4 milliard teńge;
- Almaty qalasy ákiminiń rezervin tolyqtyrýǵa 22,5 milliard teńge.
"Almaty qalasy biýdjetiniń jartysy turǵyndardy áleýmettik qoldaýǵa jumsalady. 2520 oryndyq 10 memlekettik balabaqsha salý josparlanyp otyr, taǵy 5000 oryndyq memlekettik tapsyrys jeke balabaqshalarǵa beriledi.
Jalpy 337 myń oqýshyny qamtityn 211 mektepti, 16 internattyq mekemeni, 50 kolledjdi ustaýǵa 242,5 milliard teńge josparlanǵan. 18 mektepten tys uiymǵa qosymsha bilim berýge taǵy 2,2 milliard teńge qarastyrylǵan.
2505 tárbieshini, 3000 mektep muǵalimin, 150 qyzmetkerdi qaita daiarlaýǵa jáne biliktiligin arttyrýǵa basqarýshy personaldan 2,8 milliard teńge baǵyttalady", - delingen ákimdik habarlamasynda.
Kezekten tys ótken HHHI sessiiada VII sailanǵan Almaty qalasy máslihatynyń depýtattary qalanyń 2023-2025 jyldarǵa arnalǵan úsh jyldyq biýdjetin qoldap, bekitti.
