Almatydaǵy kólik qozǵalysy osydan 40 jyl burynǵy Frantsiianyń keipine uqsaidy. Qazaqstanǵa jumys babymen kelgen Halyqaralyq avtokólik federatsiiasynyń prezidenti Jan Todtqa bizdiń megapolis osylai kórinedi eken. Bul týraly KTK arnasy habarlaidy.
Degenmen, arnaiy jolaqtar, aqyly avtoturaq sekildi jol qaýipsizdigin kúsheitýge arnalǵan sharalar sheteldik qonaqqa unap qalypty. Aita keteiik, osy kúzde shaharda taǵy úsh birdei kóshede avtobýs joldary paida bolmaq.
50 jyl ómirin avtosportqa arnap, álemdik deńgeidegi barlyq avtojarystarda jeńip shyqan Jan Todt búginde halyqaralyq kólik federatsiiasyn basqarady. Qazir federatsiiaǵa múshe elderdegi avtosporttyń damýy men jol qaýipsizdigin jetildirýge atsalysyp júr. Qazaqstanǵa ekinshi ret kelgen Todt myrza Almatynyń kólik qozǵalysy týraly bylai dedi.
“Almatydaǵy kólik qozǵalysy týra Frantsiianyń osydan 40 jyl burynǵy keipine uqsaidy. Munda jol qaýipsizdiginiń jetildiretin tustary barshylyq. Biraq qala basshylyǵynyń jol qaýipsizdigimen qatar, avtosportty da damytýǵa degen yntasy qýantady”, – dedi Halyqaralyq avtokólik federatsiiasynyń prezidenti Jan Todt.
Bul rette qala biligi aldymen avtobýstardyń qalypty júrýine jaǵdai jasap, arnaiy jol salyp jatqany belgili. Byltyr Abai dańǵylynan bastalǵan bul úrdis biyl da birqatar kóshelerde jalǵasyp jatyr. Qazirgi ýaqytta Jeltoqsan men Naýryzbai kósheleriniń bir shetine jeńil kólikterdi júrgizbeitin tyiym belgileri salynýda.
“Bul kóshelerde avtobýstar kóp júre bastaidy. Qazirdiń ózinde júrý aralyǵy birqalypqa túsip keledi. Buryn eki jaǵy kólikterge bolyp turatyn. Endi ol kedergiden qutylatyn bolamyz”, – deidi Almaty qalasy ákiminiń orynbasary Rýmil Taýfikov.
Sondai-aq, osydan eki ai buryn Baibek ózi baryp ashqan aqyly avtoturaq júiesi de qala aýmaǵyn túgel qamti bermek. Qala basshylarynyń oiynsha, sonyń arqasynda kóligin qańtaryp, avtobýsqa otyratyndar qatary kóbeimek.
Qyryq jyl burynǵy Frantsiianyń kebin kigen Almatynyń kóshelerin retke keltirý úshin ázirge qala basshylyǵynyń oilap tapqany aqyly avtoturaqtar men arnaiy avtobýs joldary. Shilde aiynda Raiymbek dańǵylynda qoǵamdyq kólik joly syzylyp bitse, búginde Jeltoqsan jáne Naýryzbai batyr kóshelerine salynyp jatyr. Sonyń arqasynda 59 avtobýs baǵyty ońtailandyrylyp, onyń ishinde jeteýi múlde alynyp tastalǵan. Al aldaǵy qarasha aiyna deiin Tóle bi kóshesine arnaiy avtobýs joly júrgizilmek.
