الماتىداعى كٶلٸك قوزعالىسى وسىدان 40 جىل بۇرىنعى فرانتسييانىڭ كەيپٸنە ۇقسايدى. قازاقستانعا جۇمىس بابىمەن كەلگەن حالىقارالىق اۆتوكٶلٸك فەدەراتسيياسىنىڭ پرەزيدەنتٸ جان تودتقا بٸزدٸڭ مەگاپوليس وسىلاي كٶرٸنەدٸ ەكەن. بۇل تۋرالى كتك ارناسى حابارلايدى.
دەگەنمەن, ارنايى جولاقتار, اقىلى اۆتوتۇراق سەكٸلدٸ جول قاۋٸپسٸزدٸگٸن كٷشەيتۋگە ارنالعان شارالار شەتەلدٸك قوناققا ۇناپ قالىپتى. ايتا كەتەيٸك, وسى كٷزدە شاھاردا تاعى ٷش بٸردەي كٶشەدە اۆتوبۋس جولدارى پايدا بولماق.
50 جىل ٶمٸرٸن اۆتوسپورتقا ارناپ, ەلەمدٸك دەڭگەيدەگٸ بارلىق اۆتوجارىستاردا جەڭٸپ شىقان جان تودت بٷگٸندە حالىقارالىق كٶلٸك فەدەراتسيياسىن باسقارادى. قازٸر فەدەراتسيياعا مٷشە ەلدەردەگٸ اۆتوسپورتتىڭ دامۋى مەن جول قاۋٸپسٸزدٸگٸن جەتٸلدٸرۋگە اتسالىسىپ جٷر. قازاقستانعا ەكٸنشٸ رەت كەلگەن تودت مىرزا الماتىنىڭ كٶلٸك قوزعالىسى تۋرالى بىلاي دەدٸ.
“الماتىداعى كٶلٸك قوزعالىسى تۋرا فرانتسييانىڭ وسىدان 40 جىل بۇرىنعى كەيپٸنە ۇقسايدى. مۇندا جول قاۋٸپسٸزدٸگٸنٸڭ جەتٸلدٸرەتٸن تۇستارى بارشىلىق. بٸراق قالا باسشىلىعىنىڭ جول قاۋٸپسٸزدٸگٸمەن قاتار, اۆتوسپورتتى دا دامىتۋعا دەگەن ىنتاسى قۋانتادى”, – دەدٸ حالىقارالىق اۆتوكٶلٸك فەدەراتسيياسىنىڭ پرەزيدەنتٸ جان تودت.
بۇل رەتتە قالا بيلٸگٸ الدىمەن اۆتوبۋستاردىڭ قالىپتى جٷرۋٸنە جاعداي جاساپ, ارنايى جول سالىپ جاتقانى بەلگٸلٸ. بىلتىر اباي داڭعىلىنان باستالعان بۇل ٷردٸس بيىل دا بٸرقاتار كٶشەلەردە جالعاسىپ جاتىر. قازٸرگٸ ۋاقىتتا جەلتوقسان مەن ناۋرىزباي كٶشەلەرٸنٸڭ بٸر شەتٸنە جەڭٸل كٶلٸكتەردٸ جٷرگٸزبەيتٸن تىيىم بەلگٸلەرٸ سالىنۋدا.
“بۇل كٶشەلەردە اۆتوبۋستار كٶپ جٷرە باستايدى. قازٸردٸڭ ٶزٸندە جٷرۋ ارالىعى بٸرقالىپقا تٷسٸپ كەلەدٸ. بۇرىن ەكٸ جاعى كٶلٸكتەرگە بولىپ تۇراتىن. ەندٸ ول كەدەرگٸدەن قۇتىلاتىن بولامىز”, – دەيدٸ الماتى قالاسى ەكٸمٸنٸڭ ورىنباسارى رۋميل تاۋفيكوۆ.
سونداي-اق, وسىدان ەكٸ اي بۇرىن بايبەك ٶزٸ بارىپ اشقان اقىلى اۆتوتۇراق جٷيەسٸ دە قالا اۋماعىن تٷگەل قامتي بەرمەك. قالا باسشىلارىنىڭ ويىنشا, سونىڭ ارقاسىندا كٶلٸگٸن قاڭتارىپ, اۆتوبۋسقا وتىراتىندار قاتارى كٶبەيمەك.
قىرىق جىل بۇرىنعى فرانتسييانىڭ كەبٸن كيگەن الماتىنىڭ كٶشەلەرٸن رەتكە كەلتٸرۋ ٷشٸن ەزٸرگە قالا باسشىلىعىنىڭ ويلاپ تاپقانى اقىلى اۆتوتۇراقتار مەن ارنايى اۆتوبۋس جولدارى. شٸلدە ايىندا رايىمبەك داڭعىلىندا قوعامدىق كٶلٸك جولى سىزىلىپ بٸتسە, بٷگٸندە جەلتوقسان جەنە ناۋرىزباي باتىر كٶشەلەرٸنە سالىنىپ جاتىر. سونىڭ ارقاسىندا 59 اۆتوبۋس باعىتى وڭتايلاندىرىلىپ, ونىڭ ٸشٸندە جەتەۋٸ مٷلدە الىنىپ تاستالعان. ال الداعى قاراشا ايىنا دەيٸن تٶلە بي كٶشەسٸنە ارنايى اۆتوبۋس جولى جٷرگٸزٸلمەك.
