Almatyda «Almaty Business – 2030» óńirlik baǵdarlamasy aiasynda kásipkerler shaǵyn jáne mikrobiznesti damytý úshin jyldyq 6% nemese 9% mólsherlememen (JTSM) jeńildetilgen nesie ala alady, dep habarlaidy ult.kz.
Qarjylandyrýdy «Almaty» ÁKK-niń enshiles uiymy – «Almaty» mikroqarjy uiymy júzege asyrady.
Bir qaryz alýshyǵa beriletin nesieniń eń joǵary somasy – 86,5 mln teńgege deiin. Investitsiialyq maqsattarǵa beriletin nesieniń merzimi – 7 jylǵa deiin, al ainalym qarajatyn tolyqtyrýǵa – 3 jylǵa deiin.
Jyldyq 6% mólsherlememen (JTSM – jyldyq 6,2%-dan 6,6%-ǵa deiin) beriletin nesieler arnaiy salyq rejimin (ÁOSA) qoldanatyn kásipkerlerge, áleýmettik kásipkerlerge, Almaty indýstriialyq aimaǵy men shaǵyn ónerkásip parkteriniń rezidentterine, sondai-aq shaǵyn ónerkásip parkterin salý, jármeńkeler, gastrokósheler, kreativti habtar men kovorking ortalyqtaryn uiymdastyrý, kreativti indýstriiany damytý jáne innovatsiialyq bizneske arnalǵan infraqurylym qurý jobalaryn iske asyrýǵa usynylady.
Jyldyq 9% mólsherlememen (JTSM – jyldyq 9,5%-dan 9,9%-ǵa deiin) shaǵyn jáne orta biznestiń ózge jobalary qarjylandyrylady.
Baǵdarlamada aiqyndalǵan basym salalarda jumys isteitin kásipkerler jeńildetilgen nesie ala alady. Olardyń qatarynda óndiris, óńdeý ónerkásibi, týrizm, ýaqytsha ornalastyrý qyzmetteri, kreativti jáne IT-indýstriia, mektepke deiingi bilim berý salalary bar.
Budan bólek, gastrokóshelerdi damytý, Almaty taý klasterin damytý jáne biregei tujyrymdamasy bar nysandardy, onyń ishinde ulttyq taǵam usynatyn meiramhanalardy ashý aiasynda qoǵamdyq tamaqtaný salasynda júzege asyrylatyn jobalar da baǵdarlamaǵa engizilgen.
Baǵdarlamaǵa qatysýdyń negizgi talaptarynyń biri – kásipkerlik qyzmetti Almaty qalasynyń aýmaǵynda júrgizý.
Jeńildetilgen nesieleý sharttary týraly tolyq aqparatty +7 (727) 390-80-42 telefony arqyly nemese mfoalmaty.kz saitynan alýǵa bolady.
