الماتىدا «Almaty Business – 2030» ٶڭٸرلٸك باعدارلاماسى اياسىندا كەسٸپكەرلەر شاعىن جەنە ميكروبيزنەستٸ دامىتۋ ٷشٸن جىلدىق 6% نەمەسە 9% مٶلشەرلەمەمەن (جتسم) جەڭٸلدەتٸلگەن نەسيە الا الادى, دەپ حابارلايدى ult.kz.
قارجىلاندىرۋدى «الماتى» ەكك-نٸڭ ەنشٸلەس ۇيىمى – «Almaty» ميكروقارجى ۇيىمى جٷزەگە اسىرادى.
بٸر قارىز الۋشىعا بەرٸلەتٸن نەسيەنٸڭ ەڭ جوعارى سوماسى – 86,5 ملن تەڭگەگە دەيٸن. ينۆەستيتسييالىق ماقساتتارعا بەرٸلەتٸن نەسيەنٸڭ مەرزٸمٸ – 7 جىلعا دەيٸن, ال اينالىم قاراجاتىن تولىقتىرۋعا – 3 جىلعا دەيٸن.
جىلدىق 6% مٶلشەرلەمەمەن (جتسم – جىلدىق 6,2%-دان 6,6%-عا دەيٸن) بەرٸلەتٸن نەسيەلەر ارنايى سالىق رەجيمٸن (ەوسا) قولداناتىن كەسٸپكەرلەرگە, ەلەۋمەتتٸك كەسٸپكەرلەرگە, الماتى يندۋسترييالىق ايماعى مەن شاعىن ٶنەركەسٸپ پاركتەرٸنٸڭ رەزيدەنتتەرٸنە, سونداي-اق شاعىن ٶنەركەسٸپ پاركتەرٸن سالۋ, جەرمەڭكەلەر, گاستروكٶشەلەر, كرەاتيۆتٸ حابتار مەن كوۆوركينگ ورتالىقتارىن ۇيىمداستىرۋ, كرەاتيۆتٸ يندۋسترييانى دامىتۋ جەنە يننوۆاتسييالىق بيزنەسكە ارنالعان ينفراقۇرىلىم قۇرۋ جوبالارىن ٸسكە اسىرۋعا ۇسىنىلادى.
جىلدىق 9% مٶلشەرلەمەمەن (جتسم – جىلدىق 9,5%-دان 9,9%-عا دەيٸن) شاعىن جەنە ورتا بيزنەستٸڭ ٶزگە جوبالارى قارجىلاندىرىلادى.
باعدارلامادا ايقىندالعان باسىم سالالاردا جۇمىس ٸستەيتٸن كەسٸپكەرلەر جەڭٸلدەتٸلگەن نەسيە الا الادى. ولاردىڭ قاتارىندا ٶندٸرٸس, ٶڭدەۋ ٶنەركەسٸبٸ, تۋريزم, ۋاقىتشا ورنالاستىرۋ قىزمەتتەرٸ, كرەاتيۆتٸ جەنە IT-يندۋسترييا, مەكتەپكە دەيٸنگٸ بٸلٸم بەرۋ سالالارى بار.
بۇدان بٶلەك, گاستروكٶشەلەردٸ دامىتۋ, الماتى تاۋ كلاستەرٸن دامىتۋ جەنە بٸرەگەي تۇجىرىمداماسى بار نىسانداردى, ونىڭ ٸشٸندە ۇلتتىق تاعام ۇسىناتىن مەيرامحانالاردى اشۋ اياسىندا قوعامدىق تاماقتانۋ سالاسىندا جٷزەگە اسىرىلاتىن جوبالار دا باعدارلاماعا ەنگٸزٸلگەن.
باعدارلاماعا قاتىسۋدىڭ نەگٸزگٸ تالاپتارىنىڭ بٸرٸ – كەسٸپكەرلٸك قىزمەتتٸ الماتى قالاسىنىڭ اۋماعىندا جٷرگٸزۋ.
جەڭٸلدەتٸلگەن نەسيەلەۋ شارتتارى تۋرالى تولىق اقپاراتتى +7 (727) 390-80-42 تەلەفونى ارقىلى نەمەسە mfoalmaty.kz سايتىنان الۋعا بولادى.
