Aqtóbe oblysynda kúshti áser etetin zattardy zańsyz ótkizgen uiymdasqan qylmystyq top ustaldy. Tergeý barysynda zańsyz jetkizý arnasyn Almatydaǵy dárihanalardyń biriniń farmatsevti uiymdastyrǵany anyqtaldy, dep habarlaidy ult.kz.
Polisia.kz málimetinshe, farmatsevt qyzmettik múmkindigin paidalanyp, Aqtóbege kúshti áser etetin zattardyń iri partiialaryn jetkizip otyrǵan. Top quramynda uiymdastyrýshy, operator, zattardy ólshep-oraýshylar jáne jasyryn oryndar arqyly taratýshylar bolǵan.
Jedel-tergeý sharalary kezinde toptyń barlyq múshesi ustalyp, zańsyz ainalymnan myńnan astam dárilik preparat tárkilendi.
IIM málimetinshe, 2026 jylǵy 1 qańtardan bastap kúshti áser etetin zattardyń zańsyz ainalymy úshin 15 jylǵa deiin bas bostandyǵynan aiyrý jazasy qarastyrylǵan.
