Almaty ákimi Baqytjan Saǵyntaev qalada karantinniń engizilýine bailanysty barlyq mekemelerdi qashyqtan jumys isteý formatyna kóshýge shaqyrdy, dep habarlaidy QazAqparat.
«Karantin rejimi qaladaǵy qainaǵan tirshiliktiń jańa erejeler boiynsha júzege asyrylatynyn bildiredi. Búgin qala qurylymy basshylaryna eńbek ujymdarynyń 70 paiyzyn qashyqtan jumys jasaýǵa kóshirýdi tapsyrdym. Menshik formasyna qaramastan kez kelgen kásiporyn basshysyna osyndai usynys aitamyn. Karantin qolaisyz ekeni ras. Biraq bul májbúrlikten týyndaidy», - dedi ol.
Ákimniń aitýynsha, karantin qala turǵyndarynyń qaýipsizdigi úshin engizilip otyr.
«Tótenshe jaǵdai kezinde barlyǵymyz birigýimiz tiis. Bul jaǵdaida ár azamattyń tártibi men oi sanasy óte mańyzdy. Mundai qiyndyqtan bizdi tek birligimiz ben bir-birimizge qoldaýymyz, tártiptiligimiz ǵana alyp shyqpaq. Biz qiyndyqty jeńemiz!», - dedi shahar basshysy.
Aita ketý kerek, Almaty men Nur-Sultan qalalarynda karantin rejimi 19 naýryzda túngi saǵat 00:00-de engiziledi.
Azamattar men avtokólikterdiń qalaǵa kirip-shyǵýyn shekteý úshin 27 beket ornatylady.
