الماتى ەكٸمٸ باقىتجان ساعىنتاەۆ قالادا كارانتيننٸڭ ەنگٸزٸلۋٸنە بايلانىستى بارلىق مەكەمەلەردٸ قاشىقتان جۇمىس ٸستەۋ فورماتىنا كٶشۋگە شاقىردى, دەپ حابارلايدى قازاقپارات.
«كارانتين رەجيمٸ قالاداعى قايناعان تٸرشٸلٸكتٸڭ جاڭا ەرەجەلەر بويىنشا جٷزەگە اسىرىلاتىنىن بٸلدٸرەدٸ. بٷگٸن قالا قۇرىلىمى باسشىلارىنا ەڭبەك ۇجىمدارىنىڭ 70 پايىزىن قاشىقتان جۇمىس جاساۋعا كٶشٸرۋدٸ تاپسىردىم. مەنشٸك فورماسىنا قاراماستان كەز كەلگەن كەسٸپورىن باسشىسىنا وسىنداي ۇسىنىس ايتامىن. كارانتين قولايسىز ەكەنٸ راس. بٸراق بۇل مەجبٷرلٸكتەن تۋىندايدى», - دەدٸ ول.
ەكٸمنٸڭ ايتۋىنشا, كارانتين قالا تۇرعىندارىنىڭ قاۋٸپسٸزدٸگٸ ٷشٸن ەنگٸزٸلٸپ وتىر.
«تٶتەنشە جاعداي كەزٸندە بارلىعىمىز بٸرٸگۋٸمٸز تيٸس. بۇل جاعدايدا ەر ازاماتتىڭ تەرتٸبٸ مەن وي ساناسى ٶتە ماڭىزدى. مۇنداي قيىندىقتان بٸزدٸ تەك بٸرلٸگٸمٸز بەن بٸر-بٸرٸمٸزگە قولداۋىمىز, تەرتٸپتٸلٸگٸمٸز عانا الىپ شىقپاق. بٸز قيىندىقتى جەڭەمٸز!», - دەدٸ شاھار باسشىسى.
ايتا كەتۋ كەرەك, الماتى مەن نۇر-سۇلتان قالالارىندا كارانتين رەجيمٸ 19 ناۋرىزدا تٷنگٸ ساعات 00:00-دە ەنگٸزٸلەدٸ.
ازاماتتار مەن اۆتوكٶلٸكتەردٸڭ قالاعا كٸرٸپ-شىعۋىن شەكتەۋ ٷشٸن 27 بەكەت ورناتىلادى.
