Almatyda COVID-19 - ben statsionarlyq emdeýde 909 naýqas jatyr, onyń 15-niń jaǵdaiy óte aýyr, dep habarlaidy "Ult aqparat".
Almaty ákimdigi qalanyń koronavirýs boiynsha «qyzyl» aimaqqa kirýine bailanysty megapolistegi epidemiialyq jaǵdaidy eskere otyryp, qala turǵyndary men qonaqtaryn koronavirýs infektsiianyń aldyn alý sharalaryn kúsheitýge - betperde rejimin, áleýmettik qashyqtyqty saqtaýǵa, múmkindiginshe qoǵamdyq oryndarǵa, ásirese nashar jeldetiletin jabyq oryndarǵa (ǵimarattarǵa) barýdan bas tartýǵa shaqyrady.
Pandemiia bastalǵaly beri Almatyda COVID-19-dyń 21 276 oqiǵasy tirkeldi. 100 myń turǵynǵa shaqqanda juqtyrý kórsetkishi-1065,6.
Qańtar aiynyń sońǵy 3 aptasynda indet juqtyrǵandardyń jas erekshelikteri mynandai:
20-39 jas aralyǵynda - 35,4%, 40-59 jas aralyǵynda - 27,4%, 60 jas jáne odan joǵary - 21,5%;
Ctatistikalyq derekterge sáikes, adamdar indetti kóbinese qoǵamdyq oryndarda (39,6%), úi jaǵdaiynda (27,5%), qoǵamdyq kólikte (20,3% ) juqtyrǵan.
COVID-19 - ben statsionarlyq emdeýde 909 adam jatyr: 745-iniń jaǵdaiy ortasha aýyr, 149-y aýyr jaǵdaida, 15-i óte aýyr jaǵdaida. KVI belgileri bar 596 naýqas úide baqylaýǵa alynǵan.
Aita keteiik, Almatyda barlyǵy 7011 tósek-oryn daiyndalǵan, onyń ishinde KVI-men aýyratyn naýqastar úshin-1866.
Almatyda sanitarlyq-epidemiialyq sharalardyń saqtalýyn baqylaý aiasynda 32 monitoringilik top jumysyn jalǵastyrýda. Qańtar aiynyń basynan karantindik sharalardyń saqtalýyn tekserý boiynsha 305 is-shara ótkizildi, 2305 nysan qamtyldy, 153 nysanda buzýshylyqtar anyqtaldy. Buzýshylyq faktileri boiynsha tiisti materialdar berilýde.
Sonymen qatar, 2021 jylǵy 17-24 qańtar aralyǵynda bir apta ishinde 101 reid júrgizildi, 775 nysan qamtyldy, karantindik sharalar buzylǵan 77 nysan anyqtaldy. Sondai-aq, ótken aptada barlyq aýdandardyń HQKO-ry men mamandandyrylǵan HQKO-ry, qoǵamdyq kólik, áýejai jáne basqa da qoǵamdyq oryndar tekserildi.
Kásipkerlik sýbektileri pandemiia kezeńinde qaýipsizdik sharalarynyń talaptaryn múltiksiz saqtaýy qajet — bul qyzmetkerler men kelýshilerdiń termometriiasy, áleýmettik qashyqtyq pen betperde rejimin saqtaýdy, jeke qorǵanys quraldarynyń (betperdeler, qolǵaptar) aýystyrylýyn, sanitaizerlerdiń jáne dezinfektsiialaý quraldarynyń qorynyń bolýyn, úi-jailardyń jeldetilýin qamtamasyz etý.
Joǵaryda atalǵan talaptardyń buzylýy uiym qyzmetkerleri arasynda syrqattanýshylyqqa jáne kásiporyndardyń jumysyn toqtatýǵa ákep soǵady.
