Almatyda Safari Mebel basshysy qamaýǵa alyndy, dep habarlaidy QazAqparat.
Almaty qalalyq politsiia departamentiniń málimetinshe, qylmystyq is sotqa deiingi tergeýdiń biryńǵai tizilimine QR QK-niń 190-baby 3-bóliginiń 4-tarmaǵyna sáikes tirkelgen.
«Qylmystyq is materialdarynan Safari Mebel firmasynyń direktory S. esimdi azamattyń jáne basqa da tulǵalardyń áleýmettik jelide óz qyzmeti týraly habarlandyrýlar ornalastyrý arqyly tutynýshylardy qyzyqtyrǵan. Kúdiktiler tutynýshylardyń senimine kirip,naqty tapsyrys boiynsha ólshemder júrgizip, aldyn ala tólem alǵan, tipti ony óndirýge naqty múmkindikteri bolmasa da, jihazdaryn jasaý men ornatýǵa kelisim-sharttar jasaǵan», – dedi Almaty qalalyq Politsiia departamenti bastyǵynyń orynbasary Rústem Ábdrahmanov.
Politsiia ókiliniń aitýynsha, qazirgi ýaqytta 30-dan astam azamat aryz túsirgen. Jalpy materialdyq shyǵyn 32 mln teńgeden asady.
«Osy kúdiktilerdiń qylmystyq áreketinen zardap shekken azamattar bizge 8-777-250-68-37 Erǵali Ibraimov jáne 8-701-624-28-24 Qairat Qasymbaev telefondary arqyly habarlasýlaryńyzdy suraimyz», – dedi Rústem Ábdrahmanov.
