Almatyda alaiaqtyq jasady degen kúdikpen áiel ustaldy. Politseiler málimetinshe, ol tender utyp alýǵa kómektesemin dep, almatylyqtardy 300 million teńgege aldap ketken - dep habarlaidy Tengrinews.kz.
Áýezov aýdany politseileri 37 jastaǵy S. esimdi áieldi ustaǵan.
"Qylmystyq is materialyna sáikes, kúdikti "jaqsy tanystary baryn" aityp, adamdarǵa tenderlerge qatysýǵa, ony jeńip alýǵa kómektesýge ýáde bergen. Qazir bizdiń bólimshede S. esimdi áieldiń qatysy bar bes qylmystyq is tergelip jatyr. Jábirlenýshilerge keltirgen materialdyq shyǵyn kólemi 300 million teńge. Kúdikti qazir qamaýda otyr. Sotaldy tergeý jalǵasyp jatyr. Áieldiń basqa da epizodtarǵa qatysy bar-joǵy anyqtalady", – dedi Áýezov aýdandyq PB bastyǵy Ulan Ábilqaiyr.
