Almatyda turǵyndardy 120 million teńgege aldap soqqan adam sottaldy, dep habarlaidy "Ult aqparat".
Er adam almatylyqtarǵa Qytaidan arnaiy tehnikany satyp alyp, jetkizemin dep ýáde etken.
«Qylmystyq is-materialdary boiynsha ol asa iri kólemde alaiaqtyq jasaýmen ainalysqan. Ol úshin úlken jospar qurǵan. Almaty qalasynda arnaiy kompaniia tirkep, keńse jaldap, «tiimdi» sharttarmen arnaiy tehnikany satý týraly jarnama ornalastyrǵan. Sondai-aq, qylmysker bir rettik syiaqy tólep, firmany saýatsyz adamǵa tirkegen. Osylaisha iri gabaritti tehnikany satyp alǵysy kelgen eki azamatty aldaǵan. Birinshi jaǵdaida satyp alýshy 80 million teńge tólese, ekinshisinde 40 million tólegen. Alaida, ýáde etilgen taýarlardy olar áli almady», - dedi Almaty qalasy PD Tergeý basqarmasy bastyǵynyń mindetin atqarýshy Erǵali Ibraimov.
Jábirlenýshiler politsiiaǵa júgingennen keiin kúdikti birden ustaldy. Qylmystyq is QR QK-niń 190-baby 4-bólimi boiynsha tergeldi. Kúdikti qamaýǵa alyndy. Onyń kinási dáleldendi.Joǵaryda aitylǵan aýyr sanattaǵy zańsyz áreketterdi jasaǵany úshin S.azamat 6 jyl 8 aiǵa bas bostandyǵynan aiyryldy. Úkim zańdy kúshine endi.
