Foto: ©️ Tengrinews.kz / Álihan Sariev
Seismologiialyq baqylaýlar jáne zertteýler ulttyq ǵylymi ortalyǵynyń direktory Dáýlet Sársenbaev almatylyqtar joiqyn jer silkinisin kútýi kerek pe, joq pa, jaýap berdi - dep habarlaidy Tengrinews.kz saity.
"Seismikalyq oqiǵadan keiin Qyrǵyzstanda da, Qytaida da 100-den asa aftershok tirkedik. Qala turǵyndary men qonaqtary besten kóp emes dúmpýdi sezdi, olar aitarlyqtai sezildi. Bul qansha ýaqytqa sozylýy múmkin? Byltyrǵy Túrkiia men Siriiadaǵy seismikalyq oqiǵalardy alaiyq. Aftershok áli kúnge deiin bolyp jatyr. Siriianyń Kahramanmarash qalasynda bolyp jatqan seismikalyq oqiǵalardy bárińiz kórip otyrsyzdar. Budan kúshti jer asty dúmpýlerin kútý kerek pe? Munda men 100 paiyz málimdei alamyn, kúshti, joiqyn jer silkinisi nemese aftershok bolmaidy, olar báseńdep barady", - dedi Seismologiia institýtynyń direktory.
Onyń aitýynsha, turǵyndar qaitadan jer asty dúmpýin sezse, jer silkinisi kezinde ózin ustaý erejelerin bilýi kerek.
Eske salaiyq, 23 qańtarǵa qaraǵan túni almatylyqtar qatty jer silkinisin sezdi. Arada 49 minýttai ýaqyt ótkende almatylyqtar jańa jer silkinisin sezdi. Biraq ol álsiz boldy.
