Almatylyqtar koronavirýs infektsiiasyn qoǵamdyq oryndardan juqtyryp jatyr, dep habarlaidy "Ult aqparat".
Qańtar aiynyń sońǵy 2 aptasynda juqtyrý oryndary belgili boldy.
«Júrgizilgen taldaýǵa sáikes, adamdar virýsty qoǵamdyq oryndardan (40.1%), otbasynda KVI–men aýyratyn naýqaspen bailanystan (27.4%), qalalyq kólikten (22.8%), jumysta KVI–men aýyratyn naýqaspen bailanystan (5.6%), shet elderden jáne QR óńirlerinen (2.6%) juqtyryp jatyr. Kóbinese 20 - 39 jas – 34,7%, 40 - 59 jas – 28,7%, 60 jastan joǵary adamdar sany 21,3% bolyp otyr», - dedi ákimdikten.
Qalanyń infektsiialyq statsionarlarynda (1866 tósek) 763 patsient bar, onyń ishinde 16-sy asa aýyr jaǵdaida, 141 naýqastyń jaǵdaiy aýyr, 604 adamnyń jaǵdaiy ortasha aýyr, 2 - jeńil.
Almaty ákimi Baqytjan Saǵyntaevtyń tapsyrmasy boiynsha, ekinshi tolqynǵa daiyndyq aiasynda qala boiynsha 7011 oryndyq 23 kovidti statsionar (onyń ishinde 250 reanimatsiialyq) daiyndaldy. Emhanalardaǵy meditsinalyq jabdyqtar jańardy. Eki jańa emhananyń qurylysy aiaqtaldy. Olar 500 tósek-orynǵa arnalǵan infektsiialyq gospital, 300 tósek-orynǵa arnalǵan modýldik statsionar. Osylaisha, sońǵy úsh aida infektsiialyq tósek sany eki esege artty.
Sonymen qatar, alǵashqy meditsinalyq-sanitarlyq kómek uiymdarynyń jumysy kúsheitildi. 73 emhanada 298 mobildi brigada jumys isteidi. Meditsina qyzmetkerleriniń qaýipsizdigi men daiyndyǵyna erekshe nazar aýdaryldy. Jeke qorǵanysh quraldarynyń qory quryldy. Epidemiiaǵa qarsy is-sharalarǵa tartylǵan meditsina qyzmetkerlerinen basqa 2450 mamannan turatyn kadrlyq rezerv daiyndaldy.
Táýligine 14600 zertteý júrgizetin 23 PTR zerthana jumys isteidi, bolashaqta 22 700 zertteýge deiin ulǵaitý múmkindigi bar. Pandemiia bastalǵannan beri Almaty aýmaǵynda ornalasqan zerthanalarda barlyǵy 826 myń PTR zertteý júrgizildi. Sondai-aq, táýligine 3 056 zertteý ótkizý qýaty bar 12 IFT zerthana jumys isteidi.
