Almatylyqtar úshin sýyq sý tarify 2025 jylǵa deiin ózgermeidi. Al káriz qyzmetiniń tólemi ósýi múmkin. «Almaty sý» MKK tariftik saiasat jobasyn qoǵamdyq tyńdaýlarǵa usyndy, dep habarlaidy "Ult aqparat".
Qazaqstan boiynsha Almatyda sýyq sý men káriz qyzmetiniń tólemi tómen tarifter qatarynda. Turǵyndarǵa sýyq sýdyń aqysyn 2025 jylǵa deiin 1 tekshe metrine 50,01 teńge qylyp qaldyryp, al káriz qyzmetin 25,92 teńgeden 33,69 teńgege deiin kóterýge usynys jasaldy.
«Sońǵy ret tarifter 5 jyl buryn 2014 jyldyń qańtar aiynda qabyldandy. Sodan beri qymbattaǵan joq. Qoldanystaǵy tarif merziminiń kelýine bailanysty, kommýnaldyq kásiporyn qoǵamdyq tyńdaýlarǵa tariftik jobany usynyp otyr, maquldanǵannan keiin tarifter taǵy 5 jyl ózgerissiz qalady. Qalanyń tarifi áleýmettiń yńǵaiyna baǵyttalǵan», - dep habarlady «Almaty sý» MKK.
«Almaty sý» kásiporyny zańdy tulǵalarǵa 152,73 den (qazirgi tarif) 168,01 teńgege deiin, káriz qyzmetine 52,61 teńgeden (qazirgi tarif) 68,39 teńgege kóterý týraly usynys joba jasady.
«Tarifterdiń ózgergeni kásiporynǵa salyq júktemesimen, tozyǵy jetken jabdyqtarmen, qubyrlardy jańartý maqsatynda, qyzmetkerlerdiń eńbek aqysyn kóterýge baǵyttalǵan»,- dep málimdedi «Almaty sý» MKK.
Kásiporyn tutynýshylarǵa qyzmet kórsetý sapasyn jaqsartýdy, modernizatsiialaý, tehnologiialardy avtomattandyrý, Almaty qalasynyń sý men káriz qyzmetiniń óndiristik protsessterin ary qarai damytýdy josparlap otyr.
Kommýnaldyq tólemder baǵanynda sýyq sý men káriz qyzmetiniń úlesi 4-5 paiyzdan aspaidy. Sýyq sý men kárizge almatylyq bir otbasynyń tólemi 600-700 teńgeni quraidy.
