Almatylyqtar ózderiniń ýchaskelik inspektoryna tosynsyi jasady, dep habarlaidy "Ult aqparat".
Almaly aýdandyq politsiia basqarmasy janyndaǵy jergilikti politsiia qyzmeti basqarmasynyń ýchaskelik politsiia inspektory Dáýren Úńgirbaev úshin bul kúndelikti jumys kúni boldy. Politsei ózine senip tapsyrylǵan aýmaqty ainalyp ótýge daiyndalyp jatqanda, Tóle bi dańǵyly men Áýezov kóshesiniń qiylysynda ornalasqan úilerdiń turǵyndary esiktiń aldyna jinalyp alypty.
Turǵyndarynyń aitýynsha, ýchaskelik politsiia qyzmetkeri Dáýren Tólegenuly naǵyz kásipqoi maman.
«Bizdiń ýchaskelik inspektorymyz óz isine árdaiym muqiiat qaraidy. Biz onyń jumysyna, is-áreketine, ádeptiligine tántimiz. Sondyqtan oǵan alǵys hat tapsyrmaq bolyp sheshtik», – deidi jergilikti turǵyn.
«Siz kelgeli bizdiń aýlada tynyshtyq ornady. Siz bizdiń barlyq ótinishimizge jaýap beresiz jáne kez kelgen jaǵdai daý-damaisyz sheshiledi. Bizdiń aýlanyń barlyq turǵyndary Sizdi qurmetteidi jáne maqtan tutady» – dedi Dmitrii esimdi turǵyn.
Jergilikti ózin-ózi basqarý organdarynyń ókilderi de politsiia qyzmetkerine myqty densaýlyq, eńbek jolynda sáttilik tiledi
«Maǵan turǵyndar óz alǵystaryn bildirip jatyr. Óte rizamyn, men jumysymdy istep jatyrmyn. Alǵys túrinde túrli marapattar aldym, biraq halyqtyń rizashylyǵynan asqan alǵys joq eken. Keremet áser aldym. Ári qarai úmitterin aqtaýǵa tyrysamyn, – dedi politsei Dáýren Úńgirbaev.
