Qarjylyq monitoring agenttiginiń Almaty qalasyndaǵy aýmaqtyq departamenti prokýratýramen birlesip «The Finiko» qarjy piramidasy filialynyń basshylyǵyna qatysty sotqa deiingi tergeýdi júrgizip jatyr, dep habarlaidy "Ult aqparat" QMA baspasóz qyzmetine silteme jasap.
«Finiko» uiymdastyrýshylaryna qatysty sotqa deiingi tergeý barysynda 300-den astam adam aryz berilip, shyǵyn kólemi 1,8 million AQSh dollaryn jáne 630 million teńgeden astam somany quraǵan.
"Qarjy naryǵyn retteý jáne damytý agenttiginiń qorytyndysyna sáikes, «Thefiniko» simýliator bolyp tabylady jáne qatysýshylar bul baǵdarlamany saýda men investitsiialaýdyń alańy dep aqsha salady, al kompaniianyń ózi dúniejúzilik qor birjalarynda tirkelmegen. Qylmystyq is boiynsha úsh adam qamaýǵa alynyp, basqa tulǵalardyń qatysy anyqtalýda" - delingen habarlamada.
QMA azamattardy qyraǵy bolýǵa jáne jinaqtaryn kúmándi qarjy institýttaryna salmaýǵa shaqyrady.
