Foto: Almaty qalasy ákimdiginiń baspasóz qyzmeti
Almatylyqtar qańtar oqiǵasy kezinde qaza tapqandardy eske alyp, «Taǵzym» memorialynyń stellasyna gúl shoqtaryn qoidy. Saltanatty rásimge qala basshysy, qoǵam qairatkerleri jáne t.b. azamattar qatysty, dep habarlaidy "Ult aqparat" shahar ákiminiń baspasóz qyzmetine silteme jasap.
Din qyzmetkerleri marqumdardyń rýhyna quran baǵyshtap, beibitshilik pen kelisimniń mańyzy týraly ýaǵyz aitty. Sondai-aq, búgin qala meshitterinde qurbandyq shalynyp jatyr. Jinalǵandarǵa asqa barý úshin kólik daiyndalǵan.
Aita keteiik, buǵan deiin Almaty ákimi Erbolat Dosaev, qoǵam qairatkerleri men shyǵarmashylyq ziialy qaýym ókilderi qańtar oqiǵasy kezinde qaza tapqandardy eske alý úshin ortalyq meshitte quran baǵyshtap, qurban shalǵan bolatyn.
Meshitke kelgenderdiń arasynda QR Ulttyq Ǵylym akademiiasynyń prezidenti Murat Jurynov, jazýshy, QR Memlekettik syilyǵynyń laýreaty Nurlan Orazalin, «Turan» ýniversitetiniń rektory Rahman Alshanov, «Ana tili» gazetiniń bas redaktory Qali Sársenbai, túrki memleketteri uiymy Aqsaqaldar keńesiniń múshesi Ikram Adyrbekov, «Ardagerler uiymy» respýblikalyq qoǵamdyq birlestiginiń Almaty qalalyq filialynyń tóraǵasy Aqan Bijanov, «Juldyz» jýrnalynyń bas redaktory Mereke Qulkenov, Qazaqstan Jazýshylar Odaǵy tóraǵasynyń orynbasary Aqberen Elgezek, sportshy Ardaq Nazarov jáne t.b. bar.
