فوتو: الماتى قالاسى ەكٸمدٸگٸنٸڭ باسپاسٶز قىزمەتٸ
الماتىلىقتار قاڭتار وقيعاسى كەزٸندە قازا تاپقانداردى ەسكە الىپ, «تاعزىم» مەموريالىنىڭ ستەللاسىنا گٷل شوقتارىن قويدى. سالتاناتتى رەسٸمگە قالا باسشىسى, قوعام قايراتكەرلەرٸ جەنە ت.ب. ازاماتتار قاتىستى, دەپ حابارلايدى "ۇلت اقپارات" شاھار ەكٸمٸنٸڭ باسپاسٶز قىزمەتٸنە سٸلتەمە جاساپ.
دٸن قىزمەتكەرلەرٸ مارقۇمداردىڭ رۋحىنا قۇران باعىشتاپ, بەيبٸتشٸلٸك پەن كەلٸسٸمنٸڭ ماڭىزى تۋرالى ۋاعىز ايتتى. سونداي-اق, بٷگٸن قالا مەشٸتتەرٸندە قۇرباندىق شالىنىپ جاتىر. جينالعاندارعا اسقا بارۋ ٷشٸن كٶلٸك دايىندالعان.
ايتا كەتەيٸك, بۇعان دەيٸن الماتى ەكٸمٸ ەربولات دوساەۆ, قوعام قايراتكەرلەرٸ مەن شىعارماشىلىق زييالى قاۋىم ٶكٸلدەرٸ قاڭتار وقيعاسى كەزٸندە قازا تاپقانداردى ەسكە الۋ ٷشٸن ورتالىق مەشٸتتە قۇران باعىشتاپ, قۇربان شالعان بولاتىن.
مەشٸتكە كەلگەندەردٸڭ اراسىندا قر ۇلتتىق عىلىم اكادەميياسىنىڭ پرەزيدەنتٸ مۇرات جۇرىنوۆ, جازۋشى, قر مەملەكەتتٸك سىيلىعىنىڭ لاۋرەاتى نۇرلان ورازالين, «تۇران» ۋنيۆەرسيتەتٸنٸڭ رەكتورى راحمان الشانوۆ, «انا تٸلٸ» گازەتٸنٸڭ باس رەداكتورى قالي سەرسەنباي, تٷركٸ مەملەكەتتەرٸ ۇيىمى اقساقالدار كەڭەسٸنٸڭ مٷشەسٸ يكرام ادىربەكوۆ, «ارداگەرلەر ۇيىمى» رەسپۋبليكالىق قوعامدىق بٸرلەستٸگٸنٸڭ الماتى قالالىق فيليالىنىڭ تٶراعاسى اقان بيجانوۆ, «جۇلدىز» جۋرنالىنىڭ باس رەداكتورى مەرەكە قۇلكەنوۆ, قازاقستان جازۋشىلار وداعى تٶراعاسىنىڭ ورىنباسارى اقبەرەن ەلگەزەك, سپورتشى ارداق نازاروۆ جەنە ت.ب. بار.
