Áleýmettik jeliler men messendjerlerde qytailyq jastarmen bolǵan janjaldyń videosy tarap jatyr, dep habarlaidy Sputnik Qazaqstan.
Videoda bir top qytailyq jas uzyn aidahardyń formasyn ustap tur. Úlken kisiler olardyń jolyn bógep, narazylyq bildirýde. Osydan keiin bir jigit aidahardyń basyn syndyryp ketedi. Oǵan qytailyq jastar ashýlanyp aiǵailady. Osy kezde úlkender tóbeles shyǵarmaýǵa shaqyrady.
Almaty qalalyq politsiia departamentiniń málimetinshe, bul oqiǵa kúni keshe Almatydaǵy Jambyl Jabaev jáne Maǵazy Masanchi kósheleriniń qiylysynda bolǵan.
"Qazirgi kezde Almaty qalalyq politsiia departamenti osy oqiǵanyń kýágerleri men qatysýshylaryn anyqtaý boiynsha tekseris júrgizip jatyr. Osynyń nátijesinde Qazaqstannyń zańnamasyna sai sharalar qolǵa alynady", - delingen resmi habarlamada.
