2017 jyldyń 1 shildesinen 2020 jyldyń 16 qarashasyna deiingi aralyqta Meditsinalyq saqtandyrý qoryna 452,5 mlrd teńge tústi. Bul týraly búgin Almatyda ótken brifing barysynda «Áleýmettik meditsinalyq saqtandyrý qory» kommertsiialyq emes uiymynyń Almaty filialynyń direktory Tileýhan Ábildaev aitty, dep habarlaidy "Ult aqparat".
«Respýblika boiynsha túsken qarjynyń besten bir bóligi Almaty qalasyna tiesili. Jalpy, júie iske qosylǵan 2017 jyldyń shildesinen búgingi kúnge deiingi aralyqta Almaty qalasynan Qorǵa 86,5 mlrd teńgeden astam jarna aýdaryldy. Onyń 71,2 mlrd teńgesi – jumys berýshilerdiń qaramaǵyndaǵy jumyskerler úshin jasaǵan aýdarymdary bolsa, qalǵan 15,3 mlrd teńge – jeke kásipkerler men azamattyq-quqyqtyq kelisimshart boiynsha eńbek etetinderge tiesili», – dedi Tileýhan Ábildaev.
Sonymen qatar, ózin-ózi jumyspen qamtyp otyrǵan 194 myń turǵyn 339,2 mln teńge kóleminde qarjy aýdarǵan.
