Almatylyqtar koronavirýsty kóbinese saýda nysandary men qoǵamdyq kólikterde juqtyrady. Bul týraly brifing barysynda Almatynyń bas sanitarlyq dárigeri Jandarbek Bekshin málim etti, dep habarlaidy QazAqparat tilshisi.
Bekshinniń aitýynsha, naýqastardyń 90% virýsty – saýda obektilerinde (37,3%), qoǵamdyq kólikte – 22,2%, otbasylarda – 19,3%, bazarlarda – 11,2% juqtyrǵan.
Sondai-aq megapolistiń barlyq turǵyndary sanitarlyq normalar men karantin talaptaryn elemei, qaýipsizdik sharalaryn tiisti deńgeide saqtamaityny atap ótildi.
«Qaladaǵy epidemiologiialyq ahýaldyń turaqtanýyna qaramastan, men barlyǵyn, ásirese egde jastaǵy azamattardy koronavirýstyń kez kelgen shtamynan qorǵaýdy qamtamasyz etý úshin taǵy da vaktsinalanýǵa shaqyramyn», - dedi Almaty qalasynyń bas sanitarlyq dárigeri.
Spiker qaladaǵy barlyq vaktsinalar tiimdi, tipti vaktsinalanǵan adam aýyryp qalsa da, qalyptasqan immýndyq qorǵanys aýrýdyń jeńil aǵymyn qamtamasyz etedi jáne ólim-jitimge jol bermeitinin atap ótti.
