Búgin Almatyda Abaidyń mereitoiyn atap ótý aiasynda uly aqynnyń ómiri jaily filmder ashyq aspan astyndaǵy kinoteatrda kórsetiledi, dep habarlaidy "Ult aqparat".
«Ulttyq kinony qoldaý memlekettik ortalyǵy» kommertsiialyq emes aktsionerlik qoǵamynyń málimentinshe, bul oi karantindik sharalar jaǵdaiynda keń aýditoriiaǵa kinofilmderdi kórsetýdiń múmkin bolǵan jalǵyz qaýipsiz túri – avtomobildik kinoteatrdyń ashylýynyń arqasynda júzege asyrylyp otyr.
QR Mádeniet jáne sport ministrligi, Ulttyq kinony qoldaý memlekettik ortalyǵy jáne Sháken Aimanov atyndaǵy «Qazaqfilm» kinostýdiiasynyń qoldaýymen Abai Qunanbaevtyń qurmetine ártúrli jyldary túsirilgen eki ómirbaiandyq kinokartinanyń ashyq kórsetilimi ótedi:
- «Abai óleńderi» («Pesni Abaia») - Muhtar Áýezovtiń «Abai joly» shyǵarmasy boiynsha 1945 jyly túsirilgen. Kartina rejisserleri - Grigorii Roshal men Efim Aron.
- «Abai» - rejisseri Ardaq Ámirqulov. Kino uly aqynnyń 150 jyldyǵyna orai 1995 jyly túsirilgen.
«Kinoteatrdyń jańa, al anyǵyn aitqanda kópten umyt bolǵan ashyq aspan astyndaǵy eski pishimi óz jumysyn «Atakent» kórme ortalyǵynyń aýmaǵynda bastady. Ol 200 avtokólikke eseptelgen. Oidy júzege asyrýshylar is júzinde bailanyssyz qatysýdy qamtamasyz etti: biletti tek saitta ǵana satyp alýǵa bolady, búkil kinoseans kezinde kórermender bir-birinen edáýir qashyqtyqta turaqtaǵan avtokólikterdiń ishinde otyrady»,– dep habarlady «Ulttyq kinony qoldaý memlekettik ortalyǵy» KEAQ-nyń baspasóz qyzmetinen.
Filmderdiń kórsetilimi 20:30-da jáne 23:00-de ótedi.
