Almaty turǵyndary 2050 jylǵa deiingi Damý strategiiasyna belsendi usynys engize bastady, dep habarlaidy "Ult aqparat".
«Bir táýlik ishinde saitqa 6,8 myń adam kirgen. 200 jýyq kommentarii men usynys jazylǵan. Biz olardyń qaisysy oń, qaisysy teris pikir ekenin áli taldamadyq. Taldaý jumystaryn mindetti túrde kópshilikke jariia etemiz. Qujatqa qatysty naqty usynystar da barshylyq. Sondai-aq, qatysy joq jazbalar da jetedi», - dedi «Almaty qalasynyń damý ortalyǵy» AQ basqarýshy direktory Aidos Jeksenbai.
Qalalyq Strategiia jáne biýdjet basqarmasynyń basshysy Nurtas Qaiyrov almatylyqtardyń úles qosqanyna qýanyshty ekenin tilge tiek etti.
«Bizge ár adamnyń pikiri mańyzdy. Turǵyndardyń oń bolsyn, teris bolsyn usynys bildirgeni qala taǵdyry bei-jai qaldyrmaitynyn kórsetedi», - dedi Nurtas Qaiyrov.
Aita ketý kerek, Almaty ákimi Baqytjan Saǵyntaev keshe qalanyń 2050 jylǵa deiingi Damý strategiiasyn jariialaǵan bolatyn.
Qujatqa sáikes, qala 30 jylda 7 baǵyt boiynsha damityn bolady.
