Foto: Almaty ákimdigi
Almatylyq sportshy Álidar Ábdikárimov Tashkentte ótip jatqan jasóspirimder arasyndaǵy taekvondodan (WT) álem chempionatynda qola medal jeńip aldy, dep habarlaidy Ult.kz.
16 jastaǵy sportshy 68 kelige deiingi salmaq dárejesinde baq synap, birneshe qarsylasyn aiqyn basymdyqpen jeńip, jartylai finalǵa deiin jetti. Bul kezeńde Ózbekstan ókiline jol berip, jarysty qola júldemen aiaqtady.
Dúbirli dodaǵa 100-den astam elden myńǵa jýyq sportshy qatysyp jatyr. Bul jarystyń básekelestik deńgeii óte joǵary ekenin ańǵartady.
Qalalyq Sport basqarmasy ókilderiniń málimetinshe, almatylyq sportshy joǵary daiyndyq deńgeiin kórsetip, Qazaqstan quramasynyń qorjynyna mańyzdy júlde saldy.
