فوتو: الماتى ەكٸمدٸگٸ
الماتىلىق سپورتشى ەليدار ەبدٸكەرٸموۆ تاشكەنتتە ٶتٸپ جاتقان جاسٶسپٸرٸمدەر اراسىنداعى تاەكۆوندودان (WT) ەلەم چەمپيوناتىندا قولا مەدال جەڭٸپ الدى, دەپ حابارلايدى Ult.kz.
16 جاستاعى سپورتشى 68 كەلٸگە دەيٸنگٸ سالماق دەرەجەسٸندە باق سىناپ, بٸرنەشە قارسىلاسىن ايقىن باسىمدىقپەن جەڭٸپ, جارتىلاي فينالعا دەيٸن جەتتٸ. بۇل كەزەڭدە ٶزبەكستان ٶكٸلٸنە جول بەرٸپ, جارىستى قولا جٷلدەمەن اياقتادى.
دٷبٸرلٸ دوداعا 100-دەن استام ەلدەن مىڭعا جۋىق سپورتشى قاتىسىپ جاتىر. بۇل جارىستىڭ بەسەكەلەستٸك دەڭگەيٸ ٶتە جوعارى ەكەنٸن اڭعارتادى.
قالالىق سپورت باسقارماسى ٶكٸلدەرٸنٸڭ مەلٸمەتٸنشە, الماتىلىق سپورتشى جوعارى دايىندىق دەڭگەيٸن كٶرسەتٸپ, قازاقستان قۇراماسىنىڭ قورجىنىنا ماڭىزدى جٷلدە سالدى.
