Almatynyń mektep oqýshylary Qazaqstan Táýelsizdiginiń 30 jyldyǵyna arnalǵan «Táýelsizdik - baqyt joly» atty onlain chellendj bastady, dep habarlaidy QazAqparat.
Almaty qalasyndaǵy №129 orta mektep direktorynyń tárbie isi jónindegi orynbasary Almagúl Jeksembinanyń aitýynsha, sharanyń maqsaty - Otanǵa degen súiispenshilikti arttyrý, balalardyń boiyndaǵy azamattyq patriotizmdi damytý.
«Chellendjdiń maqsaty - áleýmettik jeliler arqyly Táýelsizdiktiń máni týraly óz oilarymen bólisý. Bizdiń oqýshylar QR Táýelsizdigi - bul birlik, turaqtylyq jáne eldiń órkendeýi úshin paidaly eńbek arqyly jarqyn bolashaqqa bastaityn jol degen pikir bildiredi», - deidi Almagúl Jeksembina.
Onyń aitýynsha, oqýshylar Qazaqstannyń Táýelsizdigi – Máńgilik eldiń uly tarihy ekenin jaqsy biledi.
«Toqsanynshy jyldardyń basynda jas memleket úlken qiyndyqtarǵa tap boldy. QR Tuńǵysh Prezident Nursultan Nazarbaev bastaǵan el qiyndyqty birtindep jeńip, eń tabysty ekonomikalyq memleketke ainaldyrdy», - dedi ol.
