Foto: © instagram/almaty_kris_p
Almatyda belgisiz jigit boijetkendi kóshede ańdyp, keiin onymen birge podezge kirip, shabýyl jasaǵan. Beinebaqylaý kamerasyna túsip qalǵan video Almaty Krispi-paraqshasynda jariialandy, - dep habarlaidy Tengrinews.kz saity.
Bul oqiǵa 31 shildede bolǵan. Almaty turǵyny jumystan úiine qaityp kele jatqan.
"Jigit artymnan ańdyp júrgen, keiin podezge kirgen eken. Men kirip, kiltti esikke saldym. Ol artymnan kelip, aýzymdy japty, keiin maǵan tiise bastady, keýdemdi ustai bastady. Ol maǵan ári qarai qol tigizbeýi úshin edenge otyrdym, qolyn iterip jibergim keldi, biraq shamam kelmedi, otbasym úide bolatyn, esikti ura bastadym.
Qoryqqannan ol júgirip shyqty, men úige áreń kirip, bolǵan jaǵdaidy anama aittym. Anam ony izdep kóshege shyqty. Keiin politsiiaǵa habarlastyq, olar saýsaq izderin aldy. Kireberiste de, syrtta da kamera jumys istep turǵany jaqsy boldy.
Ol 02.08.2023 jyly ustaldy. Meniń isim eki ai qaralyp, 2023 jylǵy 22 qyrkúiekte jabylǵan, biraq men keshe ǵana bildim. Óitkeni maǵan is týraly eshteńe aitpady, tergeýshi meni de, anamdy da elemeidi. Ol laiyq jaza alý úshin men bul is boiynsha ádilettilikke qol jetkizgim keledi. Menen basqa eshkimniń mundai jaǵdaiǵa tap bolǵanyn qalamaimyn", - dep jazdy boijetken.
